សួស្ដីមកពីប្រទេសអាល្លឺម៉ង់ !
ជម្រាបសួរពួកយើងឈ្មោះ ម៉ាហ្គោ និង ប៉ោឡូ ។
សូមចូលរួមជាមួយពួកយើង ពេលយើងទៅលេងប្រទេសអាល្លឺម៉ង់ !
ប្រទេសអាល្លឺម៉ង់ ឬ Deutschland គឺជាប្រទេសមួយនៅតំបន់អ៊ឺរ៉ុបកណ្ដាល ។ វាមានព្រៃ និងស្ទឹង ភ្នំ និងមាត់សមុទ្រ ព្រមទាំងភូមិ និងទីក្រុងធំៗ ។ មានកុមារប្រហែលជា ១៣ លាននាក់រស់នៅប្រទេសអាល្លឺម៉ង់ ។
ប្រទេសអាល្លឺម៉ង់មានប្រាសាទថ្មប្រហែលជា ២០០០០ ប្រាសាទ ។ ប្រាសាទជាច្រើនមានអាយុរាប់រយឆ្នាំ ។ នេះគឺជាប្រាសាទដ៏ល្បីមួយហៅថា ណីសវ៉ានស្ទេន ។
ជ្រក់ស្ពៃក្ដោបសរសៃៗ សាច់ក្រក និង Spätzle ( មី ) ជាម្ហូបដ៏មានប្រជាប្រិយនៅក្នុងប្រទេសអាល្លឺម៉ង់ ។
មានព្រះវិហារបរិសុទ្ធពីរនៅក្នុងប្រទេសអាល្លឺម៉ង់ ។ មួយគឺនៅក្នុងទីក្រុងហ្វ្រីប៊ើត និងមួយទៀតនៅក្នុងទីក្រុងហ្វ្រែងហ្វើត ជាកន្លែងដែលក្មេងប្រុសនេះនៅ ។ ស្លាកនោះសរសេរថា « Tempel der Kirche Jesu Christi der Heiligen der Letzten Tage » ( ព្រះវិហារបរិសុទ្ធនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ) ។
កុមារី និងកុមារារីករាយក្នុងការចូលរួមនៅថ្នាក់បឋមសិក្សា ។
ប្រទេសអាល្លឺម៉ង់ល្បីខាងផ្សារគ្រីស្ទម៉ាសរបស់គេ ។ គ្រួសារចូលចិត្តមើលភ្លើងស្អាតៗ និងញ៉ាំចំណីឆ្ងាញ់ៗ !
នេះជា សៀវភៅណែនាំសម្រាប់កុមារ ជាភាសាអាល្លឺម៉ង់ ។ កុមារៗនៅក្នុងប្រទេសអាល្លឺម៉ង់កំពុងប្រើប្រាស់វាដើម្បីរៀន និងរីកចម្រើន។ តើប្អូនៗកំពុងប្រើប្រាស់សៀវភៅណែនាំសម្រាប់កុមារយ៉ាងដូចម្ដេចដែរ នៅកន្លែងដែលប្អូនៗរស់នៅ ?
នៅថ្ងៃដំបូងនៃសាលាបឋមសិក្សា កុមារម្នាក់ៗទទួលបានកាបូបស្ពាយមួយ កូនកាបូបដាក់ខ្មៅដៃមួយ និង « កញ្ចប់រាងសាជីរបស់សាលា » មួយ ( Schultüte ឬ Zuckertüte ) ដែលមានពេញដោយនំចំណី និងអំណោយតូចៗ ។
សូមជួបជាមួយមិត្តភក្តិមួយចំនួនរបស់យើងមកពីប្រទេសអាល្លឺម៉ង់ !
រឿងដែលខ្ញុំចូលចិត្តជាងគេមកពីព្រះគម្ពីរមរមនគឺពេលដែលព្រះគ្រីស្ទយាងមក ហើយបង្រៀនប្រជាជន ។ ខ្ញុំចង់ធ្វើតាមបទបញ្ញត្តិរបស់ព្រះគ្រីស្ទដែលមិនឲ្យធ្វើការវិនិច្ឆ័យ ។ កាលដែលខ្ញុំអានការបង្រៀនរបស់ព្រះអម្ចាស់កាន់តែច្រើន នោះខ្ញុំកាន់តែទទួលអារម្មណ៍នៃក្តីស្រឡាញ់របស់ទ្រង់ និងភាពសុខសាន្ត ។
លេឡា អេ អាយុ ១០ ឆ្នាំ ទីក្រុងហ្វ្រេនខូនៀ ប្រទេសអាល្លឺម៉ង់
ខ្ញុំដឹងថា ប្រសិនបើខ្ញុំរក្សាបទបញ្ញត្តិទាំងឡាយ នោះខ្ញុំមាននូវការអះអាងបញ្ជាក់ និងសុវត្ថិភាពនៃការបន្តនៅលើផ្លូវដែលនាំទៅរកព្រះ ។ ខ្ញុំតែងតែអាចដឹងថា ខ្ញុំបានធ្វើអ្វីមួយត្រឹមត្រូវពេលខ្ញុំទទួលអារម្មណ៍ពីព្រះវិញ្ញាណបរិសុទ្ធ ។
ខេលិប អេ អាយុ ១២ ឆ្នាំ ទីក្រុងហ្វ្រេនខូនៀ ប្រទេសអាល្លឺម៉ង់
តើប្អូនមកពីប្រទេសអាល្លឺម៉ង់ឬ ? សូមសរសេរមកកាន់ពួកយើង ! ពួកយើងចង់ឮពីប្អូនៗ ។
សូមអរគុណសម្រាប់មកការទស្សនាប្រទេសអាល្លឺម៉ង់ជាមួយពួកយើង ។ ជួបគ្នាពេលក្រោយទៀត !
រចនារូបភាពដោយ ខាធី ម៉ាក់ឌី រូបថតនៃក្មេងប្រុសនៅខាងមុខព្រះវិហារបរិសុទ្ធហ្វ្រែងហ្វើតអាល្លឺម៉ង់ ចុះហត្ថលេខាដោយ ហ្វើរណានដា រូដឡូហ្វ រូបថតស្តុកដោយ AdobeStock និង Getty Images