សំណួរ និងចម្លើយ
តើខ្ញុំអាចជួយមិត្តភក្តិរបស់ខ្ញុំ ដែលហាក់ដូចជាមានការបាក់ទឹកចិត្តដោយរបៀបណា ?
អញ្ជើញពួកគេឲ្យនៅជាមួយអ្នក
សូមអញ្ជើញពួកគេឲ្យធ្វើអ្វីសប្បាយៗជាមួយអ្នក ។ សូមកុំបាក់ទឹកចិត្ត បើពួកគេមិនឆ្លើយតបតាមរបៀបដែលអ្នកចង់បាននោះ ។ ជួនកាល គ្រាន់តែការអញ្ជើញឲ្យធ្វើអ្វីមួយ ឬសូម្បីតែការដឹងថាអ្នកចង់នៅជាមួយពួកគេ នឹងជួយពួកគេឲ្យមានអារម្មណ៍ប្រសើរឡើង ។
អាលីស្សា ហ្វេស អាយុ ១៦ ឆ្នាំ រដ្ឋ វ៉ាស៊ីនតោន ស.រ.អា.
បញ្ជាក់អះអាងដល់ពួកគេ
ពេលខ្ញុំនៅជាមួយមិត្តភក្ដិដែលធ្លាក់ទឹកចិត្ត ខ្ញុំមិនមើលស្រាលចំពោះបញ្ហារបស់ពួកគេទេ ។ ប៉ុន្តែខ្ញុំជួយសម្រាលការលំបាករបស់ពួកគេ ។ ខ្ញុំព្យាយាមបញ្ជាក់អះអាងជាថ្មីដល់ពួកគេ ហើយបង្ហាញក្ដីស្រឡាញ់ដល់ពួកគេ ។ ខ្ញុំផ្ដល់ឱកាសដល់ពួកគេឲ្យបញ្ចេញភាពតាងតឹងរបស់ពួកគេ ។
អែងបូ ឃេ អាយុ ១៨ ឆ្នាំ ប្រទេសកូតឌីវ័រ
កុំឲ្យខ្លួនអ្នកធ្លាក់ទឹកចិត្តដូចពួកគេ
របៀបដ៏ល្អបំផុតដើម្បីជួយពួកគេ និងខ្លួនអ្នក គឺដោយមានភាពស្មោះត្រង់ ។ និយាយអ្វីដែលផ្ដល់អំណរដល់អ្នក ។ ប្រសិនអ្នកមានការលំបាកនឹងមានភាពរីករាយ សូមឲ្យពួកគេដឹងថាអ្នកនៅទីនោះសម្រាប់ពួកគេ ប៉ុន្តែសូមថែទាំខ្លួនឯង ។ វាប្រសើរជាងដែលអ្នកមិនមានបញ្ហាជាជាងមានការធ្លាក់ទឹកចិត្តដែរ ។
ឃីរ៉ា ដាប់បលយូ អាយុ ១៦ ឆ្នាំ រដ្ឋកានសាស ស.រ.អា.
គិតពីចំនុចវិជ្ជមាន
អ្នកអាចបន្តមានភាពវិជ្ជមាននៅជុំវិញមិត្តរបស់អ្នកដែលហាក់ដូចជាធ្លាក់ទឹកចិត្ត ដោយគិតពីរឿងវិជ្ជមានដែលអ្នកបានមានបទពិសោធន៍ ឬនឹងមានបទពិសោធន៍ឆាប់ៗនៅក្នុងជីវិតអ្នក ។ គ្រាន់តែគិតពីរឿងដែលអ្នកពេញចិត្ត ដូចជាបទពិសោធន៍សប្បាយៗ ។
លូក ភី អាយុ ១៤ ឆ្នាំ រដ្ឋនូវ ម៉ិកស៊ីកូ ស.រ.អា.
រំឭកពួកគេពីអ្វីដែលល្អ
ពេលខ្ញុំមានមិត្តម្នាក់ដែលធ្លាក់ទឹកចិត្ត ខ្ញុំព្យាយាមនិយាយទៅកាន់ពួកគេអំពីអ្វីដែលពួកគេចាប់អារម្មណ៍ ដើម្បីពួកគេអាចត្រូវបានរំឭកពីរឿងរ៉ាវល្អៗអំពីថ្ងៃ ឬជីវិតរបស់ពួកគេ ។ ជួនកាលខ្ញុំនឹងព្យាយាមធ្វើឲ្យពួកគេសើច ឬផ្ដល់ការសរសើរដើម្បីធ្វើឲ្យពួកគេមានអារម្មណ៍ល្អ ហើយជួនកាលខ្ញុំសុំពួកគេឲ្យធ្វើអ្វីដែលសំខាន់ ដើម្បីពួកគេដឹងថា ពួកគេមានគោលបំណងមួយ ។
ខារសុន ឌី អាយុ ១៥ ឆ្នាំ រដ្ឋតិចសាស ស.រ.អា.