« អាលម៉ា និង កូរីហូរ » ដំណើររឿងព្រះគម្ពីរមរមន ( ឆ្នាំ ២០២៣ )
អាលម៉ា និង កូរីហូរ
មានជំនឿថាមានព្រះពិត
បុរសម្នាក់ឈ្មោះកូរីហូរ បានមកកាន់ដែនដីសារ៉ាហិមឡា ។ គាត់បានប្រាប់ប្រជាជនថាគ្មានព្រះ និងព្រះយេស៊ូវគ្រីស្ទទេ ។
កូរីហូរបាននិយាយថា មនុស្សអាចដឹងអ្វីមួយបានលុះត្រាតែពួកគេបានឃើញវាប៉ុណ្ណោះ ។ គាត់បានសើចចំអកដាក់មនុស្សដែលជឿលើព្រះយេស៊ូវ ។
កូរីហូរបាននិយាយថាមនុស្សមិនត្រូវការបទបញ្ញត្តិរបស់ព្រះទេ ។ គាត់បាននិយាយថាមនុស្សអាចធ្វើអ្វីៗដែលពួកគេចង់ធ្វើ ។ មានមនុស្សជាច្រើនបានជឿតាមគាត់ ។ ពួកគេបានសម្រេចចិត្តធ្វើរឿងមិនល្អ ។
កូរីហូរព្យាយាមបង្រៀនដល់ពួកសាសន៍អាន់តៃ‑នីហ្វៃ‑លីហៃ ប៉ុន្តែពួកគេមិនជឿគាត់ទេ ។ ពួកគេបានចងគាត់ហើយបញ្ជូនគាត់ចេញទៅ ។ គាត់បានទៅស្រុកគេឌានជំនួសវិញ ។ ប្រជាជននៅទីនោះ ក៏ចាប់គាត់ចងដែរ ។ ពួកគេបានបញ្ជូនគាត់ទៅជួបនឹងអាលម៉ា ។
កូរីហូរបានប្រាប់អាលម៉ាថា គ្មានព្រះទេ ។ គាត់បាននិយាយថាអាលម៉ា និងសង្ឃដទៃទៀតកំពុងកុហកប្រជាជន ។ កូរីហូរបាននិយាយថាពួកគេកំពុងធ្វើឲ្យប្រជាជនធ្វើតាមប្រពៃណីឆ្កួតលីលា ។ គាត់ក៏បាននិយាយថាពួកគេប្រមូលប្រាក់ពីប្រជាជន ។ អាលម៉ាបានដឹងថា រឿងនេះមិនពិតទេ ។ លោកជឿទៅលើព្រះ និងព្រះយេស៊ូវ ។
អាលម៉ាបាននិយាយថាព្យាការីទាំងឡាយ និងគ្រប់ការណ៍ទាំងអស់នៅលើផែនដី ជួយមនុស្សឲ្យដឹងថាមានព្រះពិតមែន ។ កូរីហូរចង់បានភស្តុតាងបន្ថែមទៀត ។ អាលម៉ាបាននិយាយថា គាត់នឹងផ្តល់ភស្តុតាងដល់កូរីហូរ ។ លោកបាននិយាយថា ព្រះនឹងធ្វើឲ្យកូរីហូរ មិនអាចនិយាយបាន ។ ពេលអាលម៉ានិយាយបែបនេះហើយភ្លាមនោះកូរីហូរមិនអាចនិយាយបានទេ ។
កូរីហូរបានសរសេរថាគាត់ដឹងថាមានព្រះពិតមែន ។ គាត់តែងតែបានដឹងរួចទៅហើយ ។ គាត់បានសរសេរថាអារក្សបានបោកបញ្ឆោតគាត់ ។ អារក្សបានប្រាប់កូរីហូរ ឲ្យបង្រៀនការកុហកអំពីព្រះ និងព្រះយេស៊ូវ ។ ពេលប្រជាជនបានរៀនសេចក្ដីពិតអំពីកូរីហូរ ពួកគេមិនជឿការបង្រៀនរបស់គាត់ទេ ។ ពួកគេបានប្រែចិត្ត ហើយចាប់ផ្តើមធ្វើតាមព្រះយេស៊ូវជាថ្មី ។