« ទីអានគុម » ដំណើររឿងព្រះគម្ពីរមរមន ( ឆ្នាំ ២០២៣ )
ទីអានគុម
ការពារប្រជាជនរបស់គាត់
ទីអានគុម គឺជាមេដឹកនាំនៃកងទ័ពមរ៉ូណៃ ។ គាត់ព្យាយាមរក្សាទីក្រុងរបស់សាសន៍នីហ្វៃឲ្យមានសុវត្ថិភាពពីពួកសាសន៍លេមិន ។
អាម៉ាលិកាយគឺជាសាសន៍នីហ្វៃម្នាក់ដែលបានក្លាយជាសេ្តចនៃសាសន៍លេមិន ។ ទ្រង់ក៏ចង់គ្រប់គ្រងលើប្រជាជននីហ្វៃដែរ ។ ទ្រង់បានវាយប្រហារពួកសាសន៍នីហ្វៃ និងដណ្តើមយកទីក្រុងរបស់ពួកគេជាច្រើន ។
អាលម៉ា ៤៧:១, ៣៥; ៤៨:១–៤; ៥១:២៣–២៨
កងទ័ពរបស់ទីអានគុមចង់រារាំងកងទ័ពរបស់អាម៉ាលិកាយមិនឲ្យវាយលុកទីក្រុងសាសន៍នីហ្វៃ ។
ពួកទាហានច្បាំងគ្នាពេញមួយថ្ងៃ ។ ទីអានគុម និងកងទ័ពរបស់គាត់បានប្រយុទ្ធដោយមានកម្លាំង និងមានភាពប៉ិនប្រសប់ជាងកងទ័ពរបស់អាម៉ាលិកាយ ។ ប៉ុន្តែគ្មានទ័ពណាឈ្នះទេ ។ លុះដល់មេឃងងឹតហើយ កងទ័ពទាំងសងខាងក៏ឈប់ប្រយុទ្ធ ដើម្បីឲ្យពួកគេបានសម្រាក ។
អាលម៉ា ៥១:៣១—៣២
ប៉ុន្តែទីអានគុមពុំបានសម្រាកទេ ។ គាត់ និងអ្នកបម្រើរបស់គាត់បានទៅជំរំរបស់អាម៉ាលិកាយដោយសម្ងាត់ ។
ទីអានគុមលួចចូលទៅក្នុងត្រសាលរបស់អាម៉ាលិកាយ ។ គាត់បានធ្វើគតអាម៉ាលិកាយ មុនពេលអាម៉ាលិកាយភ្ញាក់ឡើង ។ បន្ទាប់មក ទីអានគុមបានត្រឡប់ទៅជំរំវិញ ហើយប្រាប់ទាហានរបស់គាត់ឲ្យត្រៀមខ្លួនប្រយុទ្ធ ។
នៅពេលពួកលេមិនភ្ញាក់ឡើង ពួកគេបានរកឃើញថា អាម៉ាលិកាយបានសោយទិវង្គតហើយ ។ ពួកគេក៏បានឃើញថា ទីអានគុម និងកងទ័ពរបស់គាត់បានត្រៀមខ្លួនជាស្រេចដើម្បីប្រយុទ្ធនឹងពួកគេ ។
ពួកលេមិនភ័យខ្លាច ហើយបានរត់គេចខ្លួន ។ ផែនការរបស់ទីអានគុម បានធ្វើឲ្យពួកលេមិនភ័យខ្លាចយ៉ាងខ្លាំង ក្នុងការវាយលុកទីក្រុងរបស់សាសន៍នីហ្វៃបន្ថែមទៀត ។ ឥឡូវនេះ ទីអានគុមមានពេលដើម្បីធ្វើឲ្យទីក្រុងរបស់សាសន៍នីហ្វៃកាន់តែមានសុវត្ថិភាព ។ គាត់បានខិតខំធ្វើការដើម្បីការពារប្រជាជនរបស់គាត់ ។ គាត់អាចរក្សាសុវត្ថិភាពដល់ទីក្រុងជាច្រើនរបស់សាសន៍នីហ្វៃ ។