« អាលម៉ា និងប្រជាជនរបស់លោក » ដំណើររឿងព្រះគម្ពីរមរមន( ឆ្នាំ ២០២៣ )
អាលម៉ា និងប្រជាជនរបស់លោក
កម្លាំងមកពីព្រះក្នុងគ្រាលំបាក
អាលម៉ា និងប្រជាជនរបស់លោកបានរស់នៅលើដែនដីដ៏ស្រស់ស្អាត ។ ពួកគេបានដាំដំណាំ និងសាងសង់ផ្ទះ ។ អាលម៉ាគឺជាសង្ឈរបស់ព្រះ ។ គាត់បានបង្រៀនប្រជាជនរបស់គាត់ឲ្យចេះស្រឡាញ់គ្នា ។ ពួកគេបានស្តាប់តាមអាលម៉ា និងកាន់តាមបទបញ្ញត្តិរបស់ព្រះ ។ ក្រុមគ្រួសាររបស់ពួកគេបានរីកចម្រើន ហើយពួកគេបានសាងសង់ទីក្រុងមួយ ។
នៅថ្ងៃមួយ កងទ័ពសាសន៍លេមិនបានមកជួប ។ ពួកគេបានវង្វេងផ្លូវ ។ ពួកសាសន៍លេមិនបានសន្យាថានឹងមិនធ្វើអ្វីលើប្រជាជនរបស់អាលម៉ាទេ ប្រសិនបើអាលម៉ាជួយពួកគេឲ្យរកផ្លូវត្រឡប់ទៅផ្ទះវិញ ។ អាលម៉ាបង្ហាញផ្លូវត្រឡប់ទៅវិញដល់សាសន៍លេមិន ។
ពួកសាសន៍លេមិនពុំបានរក្សាការសន្យារបស់ពួកគេឡើយ ។ ផ្ទុយទៅវិញ ពួកគេបានដណ្តើមយកទឹកដី ហើយឲ្យឆ្មាំឃ្លាំមើលប្រជាជនរបស់អាលម៉ា ។ ពួកគេក៏បានតែងតាំងសាសន៍នីហ្វៃម្នាក់ឈ្មោះថា អាមូឡុន ធ្វើជាស្តេចគ្រប់គ្រងលើប្រជាជនរបស់អាលម៉ា ។ អាមូឡុនជាមេដឹកនាំសង្ឃក្លែងក្លាយ ។ គាត់ និងសង្ឃរបស់គាត់បានសម្លាប់ព្យាការីម្នាក់របស់ព្រះ ហើយបានប្រព្រឹត្តអំពើទុច្ចរិតជាច្រើនទៀត ។
ម៉ូសាយ ១៧:១២–១៣,២៣:៣១–៣២, ៣៧–៣៩,២៤:៩
អាមូឡុនបានខ្ញាល់នឹងអាលម៉ា ។ ទ្រង់បានបង្ខំប្រជាជនអាលម៉ា ឲ្យធ្វើការធ្ងន់ ហើយឃោរឃៅដាក់ពួកគេ ។ វាធ្វើឲ្យប្រជាជនអាលម៉ាជួបការលំបាក ។
ពួកគេអធិស្ឋានទូលសូមជំនួយពីព្រះ ។ អាមូឡុនប្រាប់ពួកគេឲ្យបញ្ឈប់ការអធិស្ឋាន ។ ទ្រង់មានបន្ទូលថានរណាដែលអធិស្ឋាននឹងត្រូវសម្លាប់ចោល ។
អាលម៉ា និងប្រជាជនរបស់លោកបានឈប់អធិស្ឋានឮខ្លាំងៗ ។ ផ្ទុយទៅវិញ ពួកគេបានអធិស្ឋានក្នុងចិត្តរបស់ពួកគេ ។ ព្រះបានស្ដាប់ឮការអធិស្ឋានរបស់ពួកគេ ។ ទ្រង់បានលួងលោមពួកគេ ហើយសន្យាថានឹងជួយពួកគេរត់ភៀសខ្លួន ។ ព្រះបានជួយឲ្យកិច្ចការលំបាករបស់ពួកគេមានអារម្មណ៍ស្រួលជាង ។ ប្រជាជនមានចិត្តអត់ធ្មត់ ហើយសប្បាយរីករាយ ពេលពួកគេស្តាប់តាមព្រះ ។ ពួកគេបានដឹងថា ទ្រង់បានកំពុងជួយពួកគេ ។
ប្រជាជនរបស់អាលម៉ាបានទុកចិត្តព្រះ ហើយមានសេចក្ដីជំនឿយ៉ាងខ្លាំងលើទ្រង់ ។ ថ្ងៃមួយ ព្រះបានប្រាប់ពួកគេថាដល់ពេលត្រូវចាកចេញហើយ ។ នាយប់នោះ អាលម៉ា និងប្រជាជនរបស់លោកបានត្រៀមខ្លួនជាស្រេច ។ ពួកគេបានប្រមូលសត្វពាហនៈនិងស្បៀងអាហាររបស់ពួកគេ ។ នៅព្រឹកស្អែកឡើង ព្រះបានធ្វើឲ្យពួកសាសន៍លេមិនលង់លក់យ៉ាងខ្លាំង ។ បន្ទាប់មក អាលម៉ា និងប្រជាជនរបស់លោក បានភៀសខ្លួន និងធ្វើដំណើរទៅពេញមួយថ្ងៃ ។
នាពេលយប់នោះ បុរស ស្ត្រី និងកុមារទាំងអស់បានអរព្រះគុណព្រះ ។ ពួកគាត់បានដឹងថាមានតែព្រះដែលអាចជួយពួកគេបាន ។ ពួកគេបានបន្តធ្វើដំណើរអស់រយៈពេលជាច្រើនថ្ងៃ ហើយបានមកដល់ដែនដីសារ៉ាហិមឡា ។ ពួកសាសន៍នីហ្វៃបានស្វាគមន៍ពួកគេ ហើយអាលម៉ាបានបង្រៀនមនុស្សគ្រប់គ្នាអំពីការមានជំនឿលើព្រះយេស៊ូវគ្រីស្ទ ។ មនុស្សជាច្រើនបានជឿ ហើយបានទទួលបុណ្យជ្រមុជទឹក ។