Գրքեր և դասեր
Գլուխ 17. Հիսուս Քրիստոսի Եկեղեցին այսօր

Գլուխ 17

Հիսուս Քրիստոսի Եկեղեցին այսօր

Նկար
Painting of a young boy kneeling looking up at a grove of trees. At the center of the painting is a young boy (age 14) kneeling. His hands are resting on his thighs and he looks up at a light source above his head. The boy wears grey trousers (with suspenders) and grey vest and an off-white shirt. The shirt has a collar and two button placket at the front and the sleeves are rolled. The young boy had blond hair that is slightly rumpled. The background his a grove of trees, almost all with no leaves. There are some low saplings immediately behind the boy. The foreground has rocks, twings and small plants sprouting. "Walter Rane 04" appears in the lower right corner in red.

Հիսուս Քրիստոսի Եկեղեցին վերցվեց երկրի վրայից

  • Ինչո՞ւ Փրկչի մահից ու Հարությունից շատ չանցած Հիսուս Քրիստոսի Եկեղեցին վերցվեց երկրի վրայից:

Երբ Հիսուսն ապրում էր երկրի վրա, Նա հաստատեց Իր Եկեղեցին՝ միակ ճշմարիտ Եկեղեցին: Նա կազմակերպեց Իր Եկեղեցին, որպեսզի ավետարանի ճշմարտություններն ուսուցանվեն բոլոր մարդկանց և ավետարանի արարողությունները ճիշտ իշխանությամբ սպասավորվեն: Այս կազմակերպության միջոցով Քրիստոսը կարողացավ փրկության օրհնությունները բերել մարդկությանը:

Փրկչի երկինք համբարձվելուց հետո, մարդիկ փոխեցին արարողություններն ու վարդապետությունները, որ Նա և Իր Առաքյալներն էին հաստատել: Ուրացության պատճառով, ուղղակի հայտնություն չէր գալիս Աստծուց: Ճշմարիտ Եկեղեցին այլևս երկրի վրա չէր: Մարդիկ տարբեր եկեղեցիներ կազմակերպեցին, որոնք պնդում էին, թե ճշմարիտ են, սակայն հակասող վարդապետություններ էին ուսուցանում: Կրոնի առումով համատարած քաոս էր և վիճաբանություններ էին տեղի ունենում: Տերը կանխատեսել էր ուրացության այս իրավիճակը, ասելով, որ կլինի «սով երկրի վրա, ոչ թե հացի սով և ոչ ջրի ծարավ, այլ Տիրոջ խոսքը լսելու: … Նրանք պիտի ման գան Տիրոջ խոսքը …, և պիտի չգտնեն» (Ամովս Ը.11–12):

  • Ինչպե՞ս է Ամովս Ը.11–12-ում ներկայացված սովը ազդում մարդկանց վրա:

Տերը խոստացավ վերականգնել Իր ճշմարիտ Եկեղեցին

  • Նշեք աշխարհում ի՞նչ պայմաններ կային, որոնք ուղի պատրաստեցին ավետարանի Վերականգնման համար:

Փրկիչը խոստացավ վերջին օրերին վերականգնել Իր Եկեղեցին: Նա ասաց. «Ես այսուհետև զարմանալի բաներ եմ անելու այս ժողովրդի հետ՝ զարմանալիք և զարմանք» (Եսայիա ԻԹ.14):

Երկար տարիներ մարդիկ հոգևոր խավարի մեջ էին ապրում: Քրիստոսից 1700 տարի հետո մարդիկ ավելի ու ավելի էին հետաքրքրություն ցուցաբերում Աստծո և կրոնի վերաբերյալ ճշմարտությունը իմանալու համար: Նրանցից ոմանք հասկանում էին, որ Հիսուսի ուսուցանած ավետարանը այլևս երկրի վրա չէ: Ոմանք գիտակցում էին, որ հայտնություն չի գալիս և ճշմարիտ իշխանություն չկա, և Քրիստոսի կազմակերպած Եկեղեցին այլևս երկրի վրա չէ: Հիսուս Քրիստոսի Եկեղեցին երկրի վրա վերականգնելու ժամանակը եկել էր:

  • Ինչպե՞ս է ավետարանի լրիվության Վերականգնումը «զարմանալի գործ»:

Նոր Հայտնություն Աստծուց

  • Երբ Ջոզեֆ Սմիթը ստացավ իր Առաջին Տեսիլքը, ի՞նչ սովորեց Աստծո մասին:

1820թ. գարնանը աշխարհի պատմության մեջ տեղի ունեցավ ամենանշանակալից իրադարձություններից մեկը: Ժամանակը եկել էր զարմանալի աշխատանքի և զարմանալիքի, որի մասին Տերը խոսել էր: Ջոզեֆ Սմիթը լինելով պատանի, ցանկանում էր իմանալ, թե բոլոր եկեղեցիներից որն էր Հիսուս Քրիստոսի ճշմարիտ Եկեղեցին: Նա գնաց մոտակա անտառը և խոնարհ ու վճռական աղոթեց իր Երկնային Հորը՝ խնդրելով ցույց տալ, թե որ եկեղեցուն պետք է միանա: Այդ առավոտ զարմանալի բան տեղի ունեցավ: Երկնային Հայրը և Հիսուս Քրիստոսը հայտնվեցին Ջոզեֆ Սմիթին: Փրկիչն ասաց նրան, որ չմիանա ոչ մի եկեղեցու, քանի որ ճշմարիտ Եկեղեցին երկրի վրա չէր: Նա նաև ասաց, որ գոյություն ունեցող եկեղեցիների դրույթները «գարշելի էին իր աչքում» (Ջոզեֆ Սմիթ—Պատմություն 1.19; տես նաև հատվածներ 7–18, 20): Այդ դեպքից հետո, կրկին ուղղակի հայտնություն եղավ երկնքից: Տերը նոր մարգարե էր ընտրել: Այդ պահից ի վեր երկինքը չի փակվել: Հայտնությունը շարունակվում է մինչ այսօր Իր ընտրյալ մարգարեների միջոցով: Ջոզեֆը պետք է օգներ վերականգնել Հիսուս Քրիստոսի ճշմարիտ ավետարանը:

  • Ինչո՞ւ էր Առաջին Տեսիլքը աշխարհի պատմության ամենակարևոր իրադարձություններից մեկը:

Աստվածային իշխանությունը վերականգնվեց

  • Ինչո՞ւ էր անհրաժեշտ Ահարոնյան և Մելքիսեդեկյան Քահանայությունների վերականգնումը:

Ավետարանը վերականգնելիս Աստված կրկին քահանայությունը տվեց մարդկանց: 1829թ. Հովհաննես Մկրտիչը եկավ, որպեսզի շնորհի Ահարոնյան Քահանայությունը Ջոզեֆ Սմիթին և Օլիվեր Քաուդերիին (տես ՎևՈւ 13; 27.8): Պետրոսը, Հակոբոսը և Հովհաննեսը, որոնք հնում Եկեղեցու նախագահությունն էին, եկան և Ջոզեֆ Սմիթին և Օլիվեր Քաուդերիին շնորհեցին Մելքիսեդեկյան Քահանայությունը և Աստծո արքայության բանալիները (տես ՎևՈւ 27.12–13): Հետագայում, քահանայության հավելյալ բանալիներ վերականգնվեցին երկնային սուրհանդակների միջոցով, որոնք էին՝ Մովսեսը, Եղիասը և Եղիան (տես ՎևՈւ 110.11–16): Վերականգնումով քահանայությունը վերադարձվեց երկիր: Նրանք, ովքեր այսօր կրում են այս քահանայությունը, իշխանություն ունեն կատարելու, օրինակ մկրտության արարողությունը: Նրանք նաև իշխանություն ունեն ղեկավարելու Տիրոջ արքայությունը երկրի վրա:

Քրիստոսի Եկեղեցին կրկին կազմակերպվեց

  • Այդ իրադարձությունների արդյունքում Եկեղեցին կրկին կազմակերպվեց երկրի վրա:

1830թ. ապրիլի 6-ին Փրկիչը կրկին ղեկավարեց երկրի վրա Իր Եկեղեցու կազմակերպումը (տես ՎևՈւ 20.1): Նր ա Եկեղեցին կոչվում է Հիսուս Քրիստոսի Վերջին Օրերի Սրբերի Եկեղեցի (տես ՎևՈւ 115.4): Քրիստոսը Իր Եկեղեցու գլուխն է, ճիշտ ինչպես հին ժամանակներում էր: Տերն ասել է, որ սա «միակ ճշմարիտ և կենդանի եկեղեցին է ողջ երկրի երեսի վրա, որը, ես՝ Տերս, հավանում եմ» (ՎևՈւ 1.30):

Ջոզեֆ Սմիթը հաստատվեց որպես Եկեղեցու մարգարե և «առաջին երեց» (տես ՎևՈւ 20.2–4): Ավելի ուշ Առաջին Նախագահությունը կազմակերպվեց, և նա հաստատվեց որպես Նախագահ: Երբ Եկեղեցին առաջին անգամ կազմակերպվեց, միայն հիմնական կմախքը հիմնվեց: Եկեղեցու աճին համընթաց կազմակերպությունը պետք է զարգանար:

Եկեղեցին կազմակերպվեց միևնույն պաշտոններով, որոնք կային հին Եկեղեցում: Այդ կազմակերպության կազմում էին առաքյալները, մարգարեները, յոթանասունականները, ավետարանիչները (հայրապետերը), հովիվները (նախագահող պաշտոնյաները), քահանայապետերը, երեցները, եպիսկոպոսները, քահանաները, ուսուցիչները և սարկավագները: Այդ նույն պաշտոնները կան Նրա Եկեղեցում այսօր (տես Հավատո Հանգանակ 1.6):

Մարգարեն, որը գործում է Տիրոջ ղեկավարության ներքո, ղեկավարում է Եկեղեցին: Այս մարգարեն նաև Եկեղեցու Նախագահն է: Նա կրում է ողջ իշխանությունը, որն անհրաժեշտ է Տիրոջ աշխատանքը երկրի վրա ղեկավարելու համար (տես ՎևՈւ 107.65, 91): Երկու խորհրդականները աջակցում են Նախագահին: Տասներկու Առաքյալները, որոնք Հիսուս Քրիստոսի անվան հատուկ վկաներն են, ուսուցանում են ավետարանը և Եկեղեցու աշխատանքը համակարգում աշխարհի բոլոր մասերում: Եկեղեցու մյուս գերագույն պաշտոնյաները հատուկ հանձնարարություններով, որոնք են՝ Նախագահող Եպիսկոպոսությունը և Յոթանասունի Քվորումները, ծառայում են Առաջին Նախագահության և Տասներկուսի ղեկավարության ներքո:

Քահանայության պաշտոններն են՝ առաքյալները, յոթանասունականները, հայրապետերը, քահանայապետերը, եպիսկոպոսները, երեցները, քահանաները, ուսուցիչները և սարկավագները: Սրանք այն նույն պաշտոններն են, որ գոյություն են ունեցել առաջին Եկեղեցում:

Եկեղեցին աճել է և այժմ ավելի մեծ է, քան Հիսուսի օրերում էր: Նրա աճի հետ մեկտեղ Տերը Եկեղեցու կազմակերպության հավելյալ միավորներ է հայտնել: Երբ Եկեղեցին լիովին կազմակերպվում է մեկ տարածքում, այն ունի տեղական բաժանմունքներ, որոնք կոչվում են ցցեր: Յուրաքանչյուր ցցում նախագահում են ցցի նախագահը և նրա երկու խորհրդականները: Ցիցն ունի 12 բարձրագույն խորհրդականներ, որոնք օգնում են կատարել Տիրոջ աշխատանքը տվյալ ցցում: Ցցում Մելքիսեդեկյան Քահանայության քվորումները կազմակերպվում են ցցի նախագահի ղեկավարության ներքո (տես այս գրքի գլուխ 14): Յուրաքանչյուր ցից բաժանված է փոքր տարածքների, որոնք կոչվում են ծխեր: Յուրաքանչյուր ծխում նախագահում են եպիսկոպոսն ու երկու խորհրդականները:

Աշխարհի այն տարածքներում, որտեղ Եկեղեցին իր զարգացման ընթացքում է, կան շրջաններ, որոնք նման են ցցերի: Շրջանները բաժանված են ճյուղեր կոչվող փոքր միավորների, որոնք նման են ծխերի:

Կարևորագույն ճշմարտություններ վերականգնվեցին

  • Եկեղեցու Վերականգնման հետ միասին ի՞նչ կարևոր ճշմարտություններ են վերադարձել:

Այսօր Եկեղեցին ուսուցանում է նույն սկզբունքները և կատարում է նույն արարողությունները, որոնք կատարվել են Հիսուսի օրերին: Ավետարանի առաջնային սկզբունքները և արարողություններն են՝ հավատք առ Տեր Հիսուս Քրիստոս, ապաշխարություն, ընկղմամբ մկրտություն, և ձեռնադրում Սուրբ Հոգու պարգևի համար (տես Հավատո Հանգանակ 1.4): Երբ Եկեղեցին վերականգնվեց, այս թանկագին ճշմարտությունները ամբողջությամբ վերադարձան:

Աստծո պարգևի և զորության միջոցով, Ջոզեֆ Սմիթը թարգմանեց Մորմոնի Գիրքը, որը պարունակում է ավետարանի պարզ ու թանկ ճշմարտությունները: Շատ այլ հայտնություններ հետևեցին և գրանցվեցին որպես Վարդապետություն և Ուխտեր և Թանկագին Մարգարիտ (տես այս գրքի գլուխ 10):

Այլ կարևոր ճշմարտությունները, որ Տերը վերականգնեց, ներառում են հետևյալը.

  1. Մեր Երկնային Հայրը իրական էակ է՝ շոշափելի, մսից և ոսկորից կատարյալ մարմնով, և Հիսուս Քրիստոսը՝ նույնպես: Սուրբ Հոգին հոգեղեն անձնավորություն է:

  2. Մենք գոյություն ենք ունեցել նախամահկանացու կյանքում որպես Աստծո հոգևոր զավակներ:

  3. Քահանայությունն անհրաժեշտ է ավետարանի արարողությունները սպասավորելու համար:

  4. Մենք կպատժվենք մեր անձնական մեղքերի և ոչ թե Ադամի գործած զանցանքի համար:

  5. Երեխաները չպետք է մկրտվեն մինչև պատասխանատվության տարիքը (ութ տարեկանը):

  6. Երկնքում կան փառքի երեք թագավորություններ, և Տեր Հիսուս Քրիստոսի շնորհով, մարդիկ կհատուցվեն ըստ երկրի վրա կատարած իրենց գործերի և իրենց սրտերի ցանկությունների:

  7. Ընտանեկան հարաբերությունները կարող են լինել հավերժական՝ քահանայության կնքող զորության շնորհիվ:

  8. Արարողություններն ու ուխտերը անհրաժեշտ են փրկության համար և մատչելի են և ապրողների, և մահացածների համար:

  • Ինչպե՞ս են այդ ճշմարտություններն ազդել ձեր և մյուսների վրա:

Հիսուս Քրիստոսի Եկեղեցին երբեք չի կործանվի

  • Ո՞րն է Եկեղեցու առաքելությունը:

1830թ. վերականգնումից ի վեր Հիսուս Քրիստոսի Վերջին Օրերի Սրբերի Եկեղեցու անդամությունն աննախադեպ աճել է: Անդամներ կան աշխարհի գրեթե բոլոր երկրներում: Եկեղեցին կշարունակի աճել: Քրիստոսն ասել է. «Արքայության այս Ավետարանը պիտի քարոզվի ողջ աշխարհում, որպես վկայություն բոլոր ազգերի համար» (Ջոզեֆ Սմիթ—Մատթեոս 1.31): Եկեղեցին այլևս չի վերցվի երկրի վրայից: Նրա առաքելությունն է ճշմարտությունը հասցնել յուրաքանչյուր անձնավորության: Հազարավոր տարիներ առաջ, Տերն ասել է, որ «մեկ թագավորություն է վերկացնելու, որ հավիտեանս չի ավերուիլ, և նորա տերությունը ուրիշ ազգի չի տրուիլ … և նա կմնա հավիտեանս» (Դանիել Բ.44):

  • Ինչպե՞ս եք դուք օգնել Աստծո արքայության աշխատանքին: Ի՞նչ կարող եք անել այդ աշխատանքը շարունակելու համար:

Լրացուցիչ սուրբ գրություններ

Տպել