மோசே தீர்க்கதரிசி

கர்த்தருடைய மக்களை விடுவிக்க அழைக்கப்பட்டான்

மோசே பார்வோனின் மகளின் மகனாக வளர்ந்தான். எகிப்தியர்கள் இஸ்ரவேலரை இழிவாக நடத்துகிறார்கள் என்பதை மோசே கண்டான். எகிப்தியர்கள் இஸ்ரவேலரை தங்கள் அடிமைகளாக்கியதால் அவன் சோகமாக இருந்தான்.

யாத்திராகமம் 2: 10–11

ஒரு எகிப்தியன் ஒரு இஸ்ரவேலனை அடிப்பதை ஒரு நாள் மோசே கண்டான். இஸ்ரவேலனைப் பாதுகாக்க, மோசே எகிப்தியனைக் கொன்றான்.

யாத்திராகமம் 2:11–14

பார்வோன் அதைக் கண்டுபிடித்ததும், மோசேயைக் கொல்ல விரும்பினான், ஆனால் மோசே எகிப்திலிருந்து ஓடிவிட்டான்.

யாத்திராகமம் 2:15

மோசே மீதியான் என்ற இடத்திற்கு வந்தான், அங்கு சிப்போராள் என்ற பெண்ணை அவன் சந்தித்தான். அவர்கள் திருமணம் செய்துகொண்டு குழந்தைகளைப் பெற்றார்கள்.

யாத்திராகமம் 2: 21–22

மீதியானில் வசிக்கும் போது, மோசே நெருப்பில் எரிந்த ஒரு புதரைக் கண்டான், ஆனால் நெருப்பு புதரை எரிக்கவில்லை. கர்த்தர் நெருப்பில் தோன்றி மோசேயுடன் பேசினார்.

யாத்திராகமம் 3: 1–6

எகிப்தில் இஸ்ரவேலர் துன்பப்படுவதை அவர் அறிந்திருப்பதாக கர்த்தர் சொன்னார். எகிப்துக்குத் திரும்பி, இஸ்ரவேலரை விடுவிக்கும்படி பார்வோனிடம் சொல்லும்படி அவர் மோசேக்குக் கட்டளையிட்டார். கர்த்தர் இஸ்ரவேலரை விடுவித்து அவர்களை வாக்களிக்கப்பட்ட தேசத்திற்கு அழைத்துச் செல்வதற்கு மோசேக்கு உதவுவார் என்று கூறினார்.

யாத்திராகமம் 3: 7–18