Эх сурвалж
Би мэдэхгүй!
Дүрээ сонгоод, дараах хэсгийг жүжигчлэн үзүүл.
1-р хэсэг
МАКСВЭЛЛ: Даниэл ээ, би өнгөрсөн лхагва гарагт хийсэн ажлынхаа хөлсийг авахаар ирлээ.
ДАНИЭЛ: Би чамд өгчихөөгүй гэж үү? Би чамд өгсөн дөө.
МАКСВЭЛЛ: Үгүй, та өгөөгүй. Миний ажилладаг нөгөө ажлын маань залуу дандаа бичиж авдаг. Танд надад өгдгөө тэмдэглэсэн бүртгэл байгаа юу?
ДАНИЭЛ: Байхгүй л дээ, гэхдээ би чамд хөлсийг чинь өгсөн гэж бодсон.
MAКСВЭЛЛ: Та бичиж авдаггүй бол өгсөн гэдгээ яаж мэдэж байгаа юм бэ?
ДАНИЭЛ: Тэгж бодож байна. … Би мэдэхгүй.
2-р хэсэг
ЖЭЙМС: Даниэл ээ, сайн уу? Бизнес ямархуу байна?
ДАНИЭЛ: Би завгүй байгаа.
ЖЭЙМС: Завгүй байх ч сайн л даа. Ашиг олж байна уу?
ДАНИЭЛ: Тийм … гэж бодож байна.
ЖЭЙМС: Бодож байна аа? Энэ чинь юу гэсэн үг вэ?
ДАНИЭЛ: Би яг үнэндээ бүртгэл хөтлөхгүй байгаа. Би тавилга хийгээд завгүй байна. Би үүнийг толгойдоо хадгалаад л, бүх зүйл болж байгаа л гэж найдаж байна.
ЖЭЙМС: Тийм үү? Та орлого, зарлагаа бичээд, ашиг, алдагдлаа тооцдоггүй юу?
ДАНИЭЛ: Би нягтлан бодогч биш шүү дээ. Би тавилга л хийдэг хүн.
ЖЭЙМС: Бизнес эрхлэгч хүн бүр бүртгэл хөтөлж байх ёстой. Энэ бол та бизнесээ ашигтай эсэхийг мэдэх цорын ганц арга шүү дээ. За, би дахиад асууя. Та ашиг олж байна уу?
ДАНИЭЛ: Өө, … би мэдэхгүй байна.
ЖЭЙМС: Та өнгөрсөн сартай харьцуулахад илүү их мөнгө олж байгаа юу? Эсвэл бага мөнгө олж байгаа юу?
ДАНИЭЛ: Би мэдэхгүй.
ЖЭЙМС: Ашигтай эсэхээ мэдэхийн тулд миний зөвлөгөөг дагаад, бүртгэл хөтөл.
48-р хуудас руу буцаж оч
Даниэлийн тавилгын бизнес дээрх долоо хоног
-
Унш:Даниэлийн тавилгын бизнесийн дараах жишээг унш:
Даниэл өрсөлдөгчид ба үйлчлүүлэгчидтэйгээ уулзан, судлагаа хийснийхээ дараа (1) төмрөөр хийсэн тавилга зун халуун байдаг учраас хүмүүс төмөр тавилгад дургүй байдаг (2) төмрөөр тавилга хийхэд хэцүү (3) төмрийн ханган нийлүүлэлт модныхыг бодвол илүү үнэтэй гэдгийг мэдэж авчээ. Тэрээр төмөр тавилгын оронд модон тавилга борлуулахаар шийджээ.
Үйлчлүүлэгчдэд нь таалагдаж байна! Тэрээр маш их модон тавилга зардаг бөгөөд бизнес нь дажгүй юм шиг л байдаг.
49-р хуудас руу буцаж оч