Суралц

Би хэрхэн илүү хөрөнгөтэй болж чадах вэ?

Цаг:Суралц хэсэгт 60 минут зарцуулахаар тооцож, цаг хэмжигчийг тааруул.

Унш:Бизнесээ өргөжүүлэх нэг арга зам бол үр ашигтай хөрөнгөө нэмэгдүүлэх явдал юм. Бид бизнестээ үр ашигтай хөрөнгө нэмж оруулахаасаа өмнө бидэнд ийм боломж байгаа эсэхийг мэдэх хэрэгтэй.

Үз:“Би илүү их хөрөнгөтэй болж чадах уу?” “1-р хэсэг” (Видео бичлэг байхгүй бол 122-р хуудсыг унш.)

Ярилц:Мариа зээлээ эргүүлэн төлөх хангалттай мөнгөтэй байх эсэхээ хэрхэн мэдэж чадах вэ?

Унш:Амжилттай бизнес эрхлэгчид бизнесээ улам сайжруулах тал дээр өөрчлөлт хийхээсээ өмнө өөрсдөд нь ийм боломж байгаа эсэхийг нягталдаг.

Амжилттай бизнес эрхлэгчид хөрөнгө оруулалтыг тун ухаалаг хийдэг.

Унш:ЭНЭ ДОЛОО ХОНОГИЙН АСУУЛТ—Би хөрөнгө худалдаж авахын тулд зээл авах боломжтой юу?

ЭНЭ ДОЛОО ХОНОГТ ХИЙХ ЗҮЙЛ—Би бизнесийнхээ ирээдүйг сайн ойлгохын тулд бэлэн мөнгөний эргэлтийн тайланг гаргана.

Унш:Бэлэн мөнгөний эргэлтийн тайлан бол бизнесээ өргөжүүлэх арга замуудыг тодорхойлохоор эрхэлж буй бизнесээ харахад туслах арга хэрэгсэл юм. Бэлэн мөнгөний эргэлтийн тайлан гаргах гурван алхам байдаг.

• 1-р алхам: Өнгөрсөн үед хийсэн орлогын тайлангаа ашиглаад, бизнесийнхээ өнгөрсөн гүйцэтгэлийг хар.

• 2-р алхам: “Ирээдүйд орлого, зарлага ямар байх бол?” гэсэн асуулт тавьж, бизнесийнхээ ирээдүйн төлөвийг хар.

• 3-р алхам: Ирээдүйд танд байх боломжит бэлэн мөнгийг тооцоол.

Бэлэн мөнгөний эргэлтийн тайлан таныг бизнесээ өргөжүүлэх олон янзын арга замаас сонгоход туслах болно. Эдгээр арга замд бараа бүтээгдэхүүний сонголтоо нэмэгдүүлэх, зарлагаа бууруулах, орлогоо нэмэгдүүлэх, зээлийн боломжийг үнэлэх зэрэг нь орно.

Үз:“Розанни: Халуун хоол” гэсэн амжилтын түүхийг үзээд, Розанни зээл авсан нь бизнесээ өргөжүүлэхэд түүнд хэрхэн тусалсныг хар. (Видео бичлэг байхгүй бол дараагийн хуудас руу шилж.)

Одоогоор хэр их бэлэн мөнгө байна вэ?

Үз:“Одоогоор хэр их бэлэн мөнгө байгаа вэ?” (Видео бичлэг байхгүй бол үргэлжлүүлэн унш.)

Та видео бичлэгийг үзсэнийхээ дараа сурч мэдсэн зүйлээ бататгахын тулд энэ хуудсыг дахин унш.

Унш:Мариа бизнесээ өргөжүүлэх хангалттай бэлэн мөнгөтэй эсэхээ мэдэхийн тулд өнгөрсөн ба ирээдүй, бэлэн мөнгөний эргэлт гэсэн гурван зүйлийг мэдэх хэрэгтэй.

Тэр бэлэн мөнгөний эргэлтийн тайлан гаргаснаараа эдгээр гурван зүйлийг мэдэж авах боломжтой.

1-Р АЛХАМ: Өнгөрсөн үе

Мариа орлогын тайлангаа ашиглан, сүүлийн хоёр сарын хугацааныхаа орлого, тогтмол ба хувьсах зардал, ашиг эсвэл алдагдлаа бичиж авдаг.

	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар
Орлого	4400	4400
Тогтмол зардал	-3300	-3300
Хувьсах зардал	-1000	-1000
Ашиг (эсвэл алдагдал)	100	100
Гарааны бэлэн мөнгө
Боломжит бэлэн мөнгө

Ярилц:Дээрх Мариагийн бэлэн мөнгөний эргэлтийн тайланг хар. Сүүлийн хоёр сарын орлогын тайлан Мариад бизнесийнх нь талаар ямар мэдээлэл өгч байна вэ?

2-Р АЛХАМ: Ирээдүй

Мариа сүүлийн хоёр сарын тоон дээр үндэслэн ирээдүйдээ авах орлого, тогтмол ба хувьсах зардал, ашиг эсвэл алдагдлынхаа талаар юу гэж боддогоо бичиж авдаг.

	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар
Орлого	4400	4400	4400	4400	4400	4400	4400	4400
Тогтмол зардал	-3300	-3300	-3300	-3300	-3300	-3300	-3300	-3300
Хувьсах зардал	-1000	-1000	-1000	-1000	-1000	-1000	-1000	-1000
Ашиг (эсвэл алдагдал)	100	100	100	100	100	100	100	100
Гарааны бэлэн мөнгө
Боломжит бэлэн мөнгө

Мариа бизнестээ өөрчлөлт хийх талаар ямар ч төлөвлөгөө гаргаагүй учраас дараагийн зургаан сард түүний орлого, зарлага өнгөрсөн хоёр сарынхтай адил байна гэж бодож байна.

Ярилц:Дээрх Мариагийн бэлэн мөнгөний эргэлтийн тайланг хар. Мариагийн ашиг өөрчлөгддөг үү?

3-Р АЛХАМ: Боломжит бэлэн мөнгө

Гарааны бэлэн мөнгө бол Мариагийн сарын эхэнд банкинд байсан мөнгө юм. Энэ тохиолдолд тэр 50-аар эхэлсэн.

	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар
Орлого	4400	4400	4400	4400	4400	4400	4400	4400
Тогтмол зардал	-3300	-3300	-3300	-3300	-3300	-3300	-3300	-3300
Хувьсах зардал	-1000	-1000	-1000	-1000	-1000	-1000	-1000	-1000
Ашиг (эсвэл алдагдал)	100	100	100	100	100	100	100	100
Гарааны бэлэн мөнгө	50	150	250	350	450	550	650	750
	100	100	100	100	100	100	100	100
Боломжит бэлэн мөнгө	150	250	350	450	550	650	750	850

Мариа боломжит бэлэн мөнгөө (50 + 100 = 150) авахын тулд сар болгон сарын ашгаа гарааны бэлэн мөнгөн дээрээ нэмдэг.

Түүний боломжит бэлэн мөнгө дараа сарын гарааны мөнгө (150) болдог.

Ярилц:Дээрх Мариагийн бэлэн мөнгөний эргэлтийн тайланг хар. Мариад зургаан сарын дараа хэр их мөнгө боломжит болох вэ?

Унш:Мариа дараагийн зургаан сард хэр их мөнгө боломжит байхыг мэдэж байгаа учраас бизнесээ өргөжүүлэх олон янзын арга замаас алийг нь сонгохоо шийдэх боломжтой байх болно.

Хэр их мөнгийг зээлийн төлбөрт өгөх боломжтой байна вэ?

Дадлага хий:Одоо Мариа, хэрэв 15 тахиа авахын тулд зургаан сарын туршид 1500-г зээлбэл түүний бэлэн мөнгө ямар болохыг харцгаая. Баруун гар талд байгаа Мариагийн бэлэн мөнгөний эргэлтийн тайланг хар. Мариад 275-ын зээлийн төлбөрт өгөх хангалттай бэлэн мөнгө байна уу? Хамтрагчтайгаа Мариагийн боломжит бэлэн мөнгийг шалга.

Ярилц:Бүлэгтэйгээ дараах асуултыг ярилц: Мариа юу хийх хэрэгтэй вэ? Мариа зээлийн өөр хэмжээг туршиж үзэх хэрэгтэй юү? Тэр тахиа авахын тулд бэлэн мөнгө хадгалж, төлбөрөө хийж чадах уу?

Мариагийн бэлэн мөнгөний эргэлтийн тайлан

1. Мариа илүү олон өндөгтэй болох учраас сар болгон орлого нь 900-аар (15 тахиа тус бүр дээр 60 нэмэгдэнэ гэж үзвэл ) нэмэгдэнэ гэж бодож байна. Одоогийн орлого 4400 дээр 900-г нэмбэл 5300 болно.

2. Тэрээр тогтмол зардал нь 3500 (байгаа 3300 дээр дугуй түрээсэлбэл 200 нэмэгдэнэ) хүртэл өснө гэж үзэж байгаа.

3. Хэрэв тэр зээл авбал тогтмол зардал нь 275 (эхний сардаа 350) болно.

	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар	7 дахь сар	8 дахь сар
Орлого	4400	4400	5300	5300	5300	5300	5300	5300	5300	5300
Тогтмол зардал	-3300	-3300	-3500	-3500	-3500	-3500	-3500	-3500	-3500	-3500
Зээлийн төлбөр			-350	-275	-275	-275	-275	-275
Хувьсах зардал	-1000	-1000	-1600	-1600	-1600	-1600	-1600	-1600	-1600	-1600
Ашиг (эсвэл алдагдал)	100	100	-150	-75	-75	-75	-75	-75	200	200
Гарааны бэлэн мөнгө	50	150	250	100	25	-50	-125	-200	-275	-75
	100	100	-150	-75	-75	-75	-75	-75	200	200
Боломжит бэлэн мөнгө	150	250	100	25	-50	-125	-200	-275	-75	125

4. Мариа тахианы тэжээлд 500, өндөг хүргэх үеэлдээ 100-г төлөх учраас хувьсах зардал нь 1600 болж өснө гэж үзэж байна.

5. Эхний хоёр сардаа Мариад зээлийн төлбөр хийх боломжит бэлэн мөнгө хангалттай байна.

6. Гэхдээ зээлийн сүүлийн дөрвөн сарыг (3-6 дахь сарууд) хар. Мариад зээлийн төлбөрөө хийх хангалттай мөнгө байна уу?

7. Мариа зээлээ төлж дууссаныхаа дараа ашиг нь буцаад нэмэгдэж байна. Гэхдээ энэ нь оройтож байгаа хэрэг биш үү?

Үз:“Би илүү их хөрөнгөтэй болж чадах уу? (2-р хэсэг)” (Видео бичлэг байхгүй бол 123-р хуудсыг унш.)

Дадлага хий:Одоо, хэрэв Мариа арай бага хэмжээний зээл авбал юу болохыг харцгаая: 8 тахиа худалдаж авахын тулд зургаан сарын турш 800-г төлнө. Баруун гар талд байгаа Мариагийн бэлэн мөнгөний эргэлтийн тайланг хар. Мариад 800-ийн зээлээ төлөх хангалттай бэлэн мөнгө байна уу? Хамтрагчтайгаа Мариагийн боломжит бэлэн мөнгийг шалга.

Ярилц:Бүлэгтэйгээ дараах асуултыг ярилц: Мариа илүү том хэмжээний зээлийг авч төлж чадах уу? Тэр илүү том хэмжээний зээл авах хэрэгтэй юу?

Унш:Энэ жишээнд Мариа тахиа шинээр авч чадах эсэхээ шийдэхээр бэлэн мөнгөний эргэлтийн тайлангаа ашиглаж байна. Тэр мөн дугуй түрээслэх, шинэ тэмдэг худалдаж авах, өөр тэжээл авах гэх мэтээр бизнестээ өөрчлөлт хийхийн тулд бэлэн мөнгөний эргэлтийн тайлангаа ашиглаж болно.

Мариагийн бэлэн мөнгөний эргэлтийн тайлан

1. Мариа шинээр 8 тахиа аваад, орлого дээр нь барагцаалбал 480 (8 тахиа тус бүр дээр 60 нэмэгдэнэ гэж үзвэл ) нэмэгдэнэ гэж бодож байна. Одоогийн орлого 4400 дээр 480-ыг нэмбэл 4880 болно.

2. Тэрээр дугуй түрээсэлж авахгүй учраас тогтмол зардал нь нэмэгдэхгүй гэж үзэж байна.

3. Хэрэв тэр зээл авбал тогтмол зардал нь 150 (эхний сардаа 250) болно.

	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар	7 дахь сар	8 дахь сар
Орлого	4400	4400	4880	4880	4880	4880	4880	4880	4880	4880
Тогтмол зардал	-3300	-3300	-3300	-3300	-3300	-3300	-3300	-3300	-3300	-3300
Зээлийн төлбөр			-250	-150	-150	-150	-150	-150
Хувьсах зардал	-1000	-1000	-1300	-1300	-1300	-1300	-1300	-1300	-1300	-1300
Ашиг (эсвэл алдагдал)	100	100	30	130	130	130	130	130	280	280
Гарааны бэлэн мөнгө	50	150	250	280	410	540	670	800	930	1210
	100	100	30	130	130	130	130	130	280	280
Боломжит бэлэн мөнгө	150	250	280	410	540	670	800	930	1210	1490

4. Мариа тахианы тэжээлд 250, өндөг хүргэх үеэлдээ 50-ийг төлөх учраас хувьсах зардал нь 1300 болж өснө гэж үзэж байна.

5. Түүний боломжит бэлэн мөнгийг хар. Мариад зээлийн бүх төлбөрөө хийх хангалттай мөнгө байна уу?

6. Мариагийн ашиг, алдагдлыг хар. Мариагийн ашиг түүний зээлтэй байх үеэр бага байгаа ч, зээл авахын өмнөхөөс их байгааг анхаар.

Миний бизнест хэдий хэрийн бэлэн мөнгө боломжит байна вэ?

Дадлага хий:Одоо та өөрийнхөө бизнесийн бэлэн мөнгөний эргэлтийн тайланг гарга. Хамтрагчтай болоод, баруун гар талд байгаа бэлэн мөнгөний эргэлтийн тайлан дээр дараах алхмуудыг хий. (Туслалцаа хэрэгтэй бол 109–117-р хуудсыг үз.) 118-р хуудсан дээр хоосон маягтууд байгаа. Та үүнийг бизнесийн тэмдэглэл дээрээ хуулбарлаж авч болно.

Та бизнестээ авч болох үр ашигтай хөрөнгөний талаар бод. Та хэр хэмжээний орлого, зарлагатай байхаа бод.

Хэрэв та ашиглах тоогоо мэдэхгүй байгаа бол, эсвэл та одоогоор бизнес эрхлээгүй бол бизнес эрхэлж буй хэн нэгэнд тусал. Энэ ердөө л дадлага юм.

Унш:Бид дараагийн цугларалтын дараа зээл олгогчидтой ярилцах бөгөөд бидний зээлийн төлбөр ямар байхыг мэдэж авах болно. Бид дараа нь зээлийн төлбөрөө бэлэн мөнгөнийхөө эргэлтийн тайланд тусгах боломжтой байх болно.

Ярилц:Боломжит бэлэн мөнгөө мэдэх нь таныг бизнесийнхээ талаар шийдвэр гаргахад хэрхэн тусалж байна вэ? Зээлийн төлбөрийн зэрэгцээ бэлэн мөнгөө мэдэхээс гадна өөр ямар арга зам таныг бизнесээ өргөжүүлэхэд туслах вэ?

Таны мөнгөний эргэлтийн тайлан

1. Та орлогын тайлангаа ашиглан, сүүлийн хоёр сарын орлого, зарлагаа бич.

2. Та дараагийн зургаан сард таны шинэ орлого ямар байхыг бич (өмнөх орлого дээр шинэ хөрөнгө оруулснаас хойших орлогыг нэмэх).

3. Та дараагийн зургаан сард таны шинэ зарлага ямар байхыг бич (өмнөх зардал дээр шинэ хөрөнгө оруулснаас хойших зардлыг нэмэх).

4. Та энд зээлийн төлбөрөө бичнэ, гэхдээ хэрэв та сайн мэдэхгүй бол нэг хэсэгтээ энэ зайг хоосон үлдээ.

	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар
Орлого
Тогтмол зардал
Зээлийн төлбөр
Хувьсах зардал
Ашиг (эсвэл алдагдал)
Гарааны бэлэн мөнгө
Боломжит бэлэн мөнгө

5. Та орлогоосоо зардлаа хасан, ашиг, алдагдлаа тооцоол.

6. Танд хэр их хэмжээний боломжит бэлэн мөнгө байгааг мэдэхийн тулд ашгаа (эсвэл алдагдлаа хас) гарааны бэлэн мөнгөн дээрээ нэм.

7. Та зээлийн төлбөрийн хэмжээг мэдэх үедээ зээлийн бүх төлбөрөө төлөх хангалттай боломжит бэлэн мөнгөтэй эсэхээ харахыг хүсвэл энэ бэлэн мөнгөний эргэлтийн тайланг ашиглаж болно.

Зургаан сарын бэлэн мөнгөний эргэлтийн тайлан

Одоогийн бизнесийнхээ нөхцөл байдлыг харуулахын тулд бэлэн мөнгөний эргэлтийн тайланг гарга. Туслалцаа хэрэгтэй бол 109–117-р хуудсыг үз.

БЭЛЭН МӨНГӨНИЙ ЭРГЭЛТ #1: ОДООГИЙН НӨХЦӨЛ БАЙДАЛ
	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар
Нийт орлого
Тогтмол зардал
Зээлийн төлбөр
Хувьсах зардал
Нийт ашиг/алдагдал
Гарааны бэлэн мөнгө
Боломжит бэлэн мөнгө

Дараа нь шинэ хөрөнгө авах арга замыг оруулан бэлэн мөнгөний эргэлтийн тайлан гарга.

БЭЛЭН МӨНГӨНИЙ ЭРГЭЛТ #2: ШИНЭ ХӨРӨНГӨ
	2 сарын өмнө	Өнгөрсөн сар	Энэ сар	Дараагийн сар	3 дахь сар	4 дэх сар	5 дахь сар	6 дахь сар
Нийт орлого
Тогтмол зардал
Зээлийн төлбөр
Хувьсах зардал
Нийт ашиг/алдагдал
Гарааны бэлэн мөнгө
Боломжит бэлэн мөнгө