Зохицуулагчийн үүрэг

Цугларалт хийх өдөр:

• Бүлгийнхээ гишүүдэд тарааж өгөх орон нутгийнхаа зээл олгогчдын нэр бүхий жагсаалтыг бэлд. Жагсаалтыг srs.lds.org/lenders дээрээс үз, эсвэл Бие даах чадварын хороо, Бие даах чадвар хөгжүүлэх төвийн менежерээс асуу.

• Бүлгийн гишүүд рүү мессеж илгээ, эсвэл утсаар ярь. Тэднийг 10 минутын өмнө ирж, амлалтаа хэрхэн биелүүлсэн талаар тайлагнахад урь.

• Цугларалтын үеэр ашиглах материалуудыг бэлд.

Цугларалт эхлэхээс 30 минутын өмнө:

• Бүх хүнийг нэг нэгэнтэй нь ойрхон суулгахын тулд ширээ тойруулан сандлуудаа тавь.

• Бүлгийнхээ хүмүүсийн нэрийг бичсэн амлалтын хүснэгтийг самбар дээр зур (доор жишээг үзнэ үү).

  Бүлгийн гишүүний нэр	Одоогийн нөхцөл байдалдаа бэлэн мөнгөний гүйлгээний тайлан гаргасан (Тийм/Үгүй)	Шинэ хөрөнгө олж авах арга замыг багтаасан бэлэн мөнгөний гүйлгээний тайлан гаргасан (Тийм/Үгүй)	Долоо хоногийн бизнесийн зорилгодоо хүрсэн (Тийм/Үгүй)	“Миний суурь: зарчим, ур чадвар, дадал хэвшил” товхимлын зарчмаар дадлага хийж, уг зарчмыг гэр бүлийнхэндээ заасан (Тийм/Үгүй)	Хадгаламжиндаа мөнгө нэмж хийсэн (Тийм/Үгүй)	Хамтрагчдаа тайлагнасан (Тийм/Үгүй)
  Глория	Т	Т	Т	Т	Т	Т

Цугларалт эхлэхээс 10 минутын өмнө:

• Хүмүүсийг орж ирэхэд дотно хүлээж авч угт.

• Бүлгийн гишүүдийг орж ирэхэд, самбар дээрх амлалтын хүснэгтийг бөглөхийг хүс. Тэдэнд 197-р хуудсыг нээгээд, гэрчилгээ авахын тулд өөрсдийнхөө гаргаж буй ахиц дэвшлийн талаар шинээр бичиж тэмдэглэхийг сануул.

• Цаг бүртгэгч томил.

Цугларалт эхлэх үед:

• Хүмүүсээс гар утас, бусад электрон хэрэгслээ унтраахыг хүс.

• Нээлтийн залбирал хий (хүсвэл, дуулал дуулж болно).

• Хүмүүсийг ярилцаж байх хооронд, хоцорч ирсэн хүмүүсийг гар утсаа унтраан, амлалтын хүснэгтээ бөглөхийг нам дуугаар хүс.

• “Mиний суурь: зарчим, ур чадвар, дадал хэвшил” товхимол дээр ажиллахад 20 минут зарцуулахаар тооцож, цаг хэмжигчийг тааруул.

• “Mиний суурь: зарчим, ур чадвар, дадал хэвшил” товхимлын 9-р зарчмыг үзэж дуусга. Дараа нь энэ дасгалын номны дараагийн хуудаснаас үргэлжлүүлэн унш.