Leksiyon 10 Materyal sa Pagpangandam sa Klase: Ang Bag-o ug Walay Kataposang Pakigsaad sa Kaminyoon
“Leksiyon 10 Materyal sa Pagpangandam sa Klase: Ang Bag-o ug Walay Kataposang Pakigsaad sa Kaminyoon,” Materyal sa Magtutudlo sa Ang Mahangtorong Pamilya (2022)
“Leksiyon 10 Materyal sa Pagpangandam sa Klase,” Materyal sa Magtutudlo sa Ang Mahangtorong Pamilya
Imahe
usa ka magtiayon sa gawas sa Manila Philippines Temple
Leksiyon 10 Materyal sa Pagpangandam sa Klase
Ang Bag-o ug Walay Kataposang Pakigsaad sa Kaminyoon
Sa leksiyon 6, atong nakat-onan nga ang kaminyoon gi-orden sa Dios. Mitudlo usab si Presidente Russell M. Nelson nga ang celestial nga kaminyoon mao “kini ang labing taas ug labing malungtaron nga matang sa kaminyoon nga ikahatag sa atong Tiglalang ngadto sa Iyang mga anak,” nagdala og “dakong mga kalagmitan alang sa kalipay kay sa ubang mga pakigrelasyon” (“Celestial nga Kaminyoon,” Liahona, Nob. 2008, 92, 93). Samtang kamo nagtuon niini nga materyal, hunahunaa ang inyong kaugalingon nga mga pagbati mahitungod sa mahangtorong kaminyoon ug unsay inyong mabuhat sa pagpuyo nga takos niini.
Seksiyon 1
Nganong kinahanglan akong maninguha nga makabaton og mahangtorong kaminyoon?
Samtang kamo naghunahuna mahitungod sa mga kaminyoon sa mga tawo nga inyong kaila, mahibulong kamo kon unsa ka lahi ang kaminyoon sa templo gikan sa kaminyoon nga sibil.
Kita nagtuo nga “ang balaan nga plano sa kalipay makahimo sa mga relasyon sa pamilya nga magpadayon human sa kamatayon” (“Ang Pamilya: Usa ka Pamahayag ngadto sa Kalib[o]tan,” ChurchofJesusChrist.org). Ang mahangtorong mga relasyon sa pamilya nahimong posible pinaagi ni Jesukristo. Gitudlo ni Presidente Nelson, “Ang Pag-ula ni Jesukristo … diin ang pagkabanhaw nahimong reyalidad alang sa tanan ug ang kinabuhing dayon nahimong posible alang niadtong maghinulsol sa ilang mga sala ug modawat ug motuman sa mahinungdanong mga ordinansa ug mga pakigsaad” (“Pagdawat sa Gahom ni Jesukristo diha sa Atong Kinabuhi,” Liahona, Mayo 2017, 40). Sa ulahing mga adlaw, gipahiuli sa Ginoo ang awtoridad, mga ordinansa, ug mga pakigsaad nga naghimo sa mahangtorong mga kaminyoon nga matukod.
Imahe
icon, pagtuon
Pagtuon agi og Pagpangandam alang sa Klase
Basaha ang Doktrina ug mga Pakigsaad 131:1–4, mangita alang sa unsay gitudlo ni Joseph Smith mahitungod sa mahangtorong kaminyoon nga pakigsaad. (Mubo nga sulat Ang labing taas nga ang-ang sa celestial nga gingharian mao ang kinabuhing dayon, o kahimayaan.)
Ingon nga gigamit diha sa bersikulo 2, ang pulong nga bag-o nagpasabot nga kini nga pakigsaad bag-ong gipahiuli sa atong dispensasyon. Ang pakigsaad usab walay kataposan tungod kay kini mahangtoron ug kini gitukod na “sa wala pa ang katuk[o]ran sa kalib[o]tan” (Doktrina ug mga Pakigsaad 132:5). Kini kabahin sa pakigsaad nga gihimo sa Dios uban ni Abraham ug sa iyang asawa nga si Sara sa dugay nang milabay nga panahon.
Atong nakat-onan gikan sa Bible Dictionary nga “Gidawat ni Abraham og una ang ebanghelyo pinaagi sa pagpabunyag (nga mao ang pakigsaad sa kaluwasan). Dayon siya mitugyan diha kaniya sa mas taas nga pagkapari, ug misulod siya sa celestial nga kaminyoon (nga mao ang pakigsaad sa kahimayaan), nagbaton og kasiguroan pinaagi niana nga maangkon niya ang mahangtorong paglambo [dili maihap nga kaliwatan]” (Bible Dictionary, “Abraham, covenant of”).
Ang Ginoo misaad ni Abraham, “Pagapadaghanon ko ang imong kaliwatan ingon sa mga bitoon sa langit, ug ingon sa balas nga atua sa baybayon sa dagat” (Genesis 22:17). Ang celestial nga kaminyoon naglakip sa panalangin sa “[pag]baton og mga anak sa … celestial nga himaya” (Joseph Smith, in History, 1838–1856 [Manuscript History of the Church], volume D-1, 1551 [josephsmithpapers.org]).
Ang Ginoo misaad pa ni Abraham nga tanan niini nga mga panalangin itanyag ngadto sa iyang mortal nga kaliwatan (tan-awa sa Doktrina ug mga Pakigsaad 132:29–31; Abraham 2:6–11). Ang bahin sa pakigsaad sama kang Abraham [Abrahamic covenant] kalabot ngadto sa mahangtorong kaminyoon ug mahangtorong pagtubo gibag-o sa matag indibidwal kinsa mosulod ngadto sa “ang bag-o ug walay katap[o]san nga pakigsaad sa kaminyoon” (Doktrina ug mga Pakigsaad 131:2). Sa ato pa, pinaagi sa pagsilyo nga ordinansa sa kaminyoon, gisaaran kita sa samang mga panalangin sama ni Abraham.
Kon ang usa ka lalaki ug usa ka babaye isilyo diha sa templo, naghimo sila og sagrado nga mga pakigsaad uban sa Dios ug sa usag usa. Kini naglakip sa mga pakigsaad nga magpabiling matinud-anon ngadto sa usag usa ug ngadto sa Dios, sa pagpuyo sa Kristohanong mga paagi, sa pagtahod sa tanang mga pakigsaad sa ebanghelyo nga ilang gihimo, ug sa pagsanay ug pagpuno sa yuta.
Hunahunaa ang gipasabot niini nga imahe ingon nga kini may kalabotan ngadto sa pakigsaad sa mahangtorong kaminyoon. Kalabot niini nga pakigsaad nga relasyon, si Elder David A. Bednar sa Korum sa Napulog Duha ka Apostoles mitudlo:
Imahe
Elder David A. Bednar
Ang Ginoong Jesukristo mao ang sentro sa pakigsaad nga relasyon sa kaminyoon. Palihog tan-awa ang pagkabutang sa Manunubos sa kinatumyan niini nga trayangulo, ang babaye anaa sa ubos sa usa ka suok ug ang lalaki sa ubos sa laing suok. Karon hunahunaa unsay mahitabo sa relasyon tali sa lalaki ug babaye kon sila tagsa-tagsa ug makanunayon nga “moduol ngadto kang Kristo” ug maningkamot nga “mahingpit diha Kaniya” (Moroni 10:32). Tungod sa Manluluwas, ang lalaki ug babaye magkasuod. (“Ang Kaminyoon Mahinungdanon sa Iyang Mahangt[o]rong Plano,” Liahona, Hunyo 2006, 54)
Kon mahimo, hisgoti ang mosunod nga mga pangutana uban sa usa ka tawo kinsa nasilyo na ngadto sa iyang kapikas didto sa templo, sama sa usa ka ginikanan, apohan, lider sa Simbahan, o higala. Kon ikaw minyo, mahimo kang makig-istoryahanay uban sa imong kapikas. Tambong sa klase nga andam nga mopakigbahin sa unsay inyong nakat-onan.
Sama sa unsa kini alang kaninyo ang masilyo diha sa templo?
Sa unsang paagi nga ang pagsulod ngadto sa bag-o ug walay kataposang pakigsaad sa kaminyoon mipanalangin kanimo ug sa imong kapikas kutob karon?
Giunsa sa inyong indibidwal nga mga paningkamot nga mas masuod ngadto sa Dios mitabang kanimo ug sa imong kapikas nga mas masuod sa usag usa?
Seksiyon 2
Unsa nga mga pagpili ang akong gikinahanglang himoon alang sa akong kaminyoon nga mahimong mahangtoron?
Gipadayag sa Ginoo nga kon ang usa ka lalaki ug usa ka babaye dili magminyo sumala sa Iyang balaod (mosulod ngadto sa bag-o ug walay kataposang pakigsaad sa kaminyoon) ug pinaagi sa Iyang awtoridad, nan ang ilang kaminyoon “walay kahulogan sa panahon nga sila mamatay” (Doktrina ug mga Pakigsaad 132:15). Ang pagpasilyo lamang diha sa templo, hinoon, dili usab garantiya sa usa ka mahangtorong kaminyoon.
Imahe
icon, pagtuon
Pagtuon agi og Pagpangandam alang sa Klase
Basaha ang Doktrina ug mga Pakigsaad 132:19–20, ug hunahunaa ang pagmarka kon unsay gikinahanglan lapas sa seremonyas sa pagsilyo diha sa templo nga makabaton og mahangtorong kaminyoon.
Tingali inyong namatikdan sa bersikulo 19 nga ang mga kaminyoon sa templo kinahanglan gayod nga “isilyo [ibugkos] … pinaagi sa Balaan nga Espiritu sa saad” nga mahimong mahangtoron. Atong nakat-onan gikan sa Giya ngadto sa mga Kasulatan nga “ang Espiritu Santo mao ang Balaang Espiritu sa Saad (Mga Buhat 2:33). Siya nanghimatuod nga madawat ngadto sa Dios ang matarong nga mga buhat, mga ordinansa, ug mga pakigsaad sa mga tawo. Ang Balaan nga Espiritu sa Saad mosaksi ngadto sa Amahan nga ang mga ordinansa sa pagluwas gipahigayon sa matarong nga paagi ug nga ang mga pakigsaad nga nauban kanila giampingan” (“Balaan nga Espiritu sa Saad,” scriptures.ChurchofJesusChrist.org).
Kon ang mga magtiayon “mosunod diha [sa] pakigsaad” (Doktrina ug mga Pakigsaad 132:19) ang Espiritu Santo, sa Iyang tahas isip ang Balaan nga Espiritu sa Saad, manghimatuod ngadto sa Dios nga sila mihupot sa ilang mga pakigsaad, ug ang ilang kaminyoon mahimo nga mahangtoron. Ang “pagsunod diha [sa] pakigsaad, ”ang mga magtiayon kinahanglan gayod nga motahod sa mga kasabotan og mga kondisyon sa ilang mga pakigsaad sa pagsilyo. Si Elder Robert D. Hales sa Korum sa Napulog Duha ka Apostoles mitudlo mahitungod sa importansya sa pagtahod niini nga mga pakigsaad:
Imahe
Elder Robert D. Hales
Ingon nga gitudlo dinhi niini nga kasulatan [Doktrina ug mga Pakigsaad 132:19], ang usa ka mahangtorong bugkos dili lamang mahitabo isip usa ka resulta sa mga pakigsaad sa pagsilyo nga atong gihimo diha sa templo. Giunsa nato pagdala ang atong mga kaugalingon dinhi niini nga kinabuhi motino kon unsa kita sa tanan nga mga kahangtoran nga moabot. Aron madawat ang mga panalangin sa pagsilyo nga gihatag sa atong Langitnong Amahan kanato, kinahanglan natong sundon ang mga sugo ug dad-on ang atong mga kaugalingon sa paagi nga ang atong mga pamilya gusto mopuyo uban kanato sa mga kahangtoran. (“The Eternal Family,” Ensign, Nob. 1996, 65)
Sa pagpaningkamot nga mahimong labing maayo nga kita makahimo ug mosunod sa atong mga pakigsaad, kita makatan-aw ngadto sa ehemplo ni Jesukristo. Ingon sa gitudlo ni Elder Ronald A. Rasband sa Korum sa Napulog Duha ka Apostoles:
Imahe
Elder Ronald A. Rasband
Ang atong Manluluwas, si Jesukristo, maoy atong maayo kaayo nga Ehemplo sa paghimo ug sa pagtuman og mga saad ug mga pakigsaad. Siya mianhi sa kalibotan nga misaad sa pagbuhat sa kabubut-on sa Amahan. Nagtudlo Siya sa mga bar[o]ganan sa ebanghelyo sa pulong ug sa buhat. Gitubos Niya ang atong mga sala aron kita mabuhi pag-usab. Gitah[o]d Niya ang matag usa sa Iyang mga saad.
… Ang pagtuman sa mga saad dili lang kay kaanad; usa kini ka kinaiya sa pagkadisipulo ni Jesukristo. …
Ang akong pangutana karon, ato bang bar[o]gan ang atong mga saad ug mga pakigsaad, o taphaw ra ba kini nga mga pasalig, basta lang gihimo ug busa dali rang pakyason? (“Bar[o]gan ang Atong mga Saad ug mga Pakigsaad,” Liahona, Nob. 2019, 53, 54)
Imahe
icon, pamalandong
Pamalandong agi og Pagpangandam alang sa Klase
Sa unsang paagi kamo mahimong mas mahisama sa Manluluwas sa pagsunod og sagradong mga pakigsaad nga inyong gihimo uban sa Dios? Unsa pa ang inyong mahimo sa pagsunod o sa pag-andam og sunod sa inyong mga pakigsaad sa pagsilyo?