Leksiyon 6 Materyal sa Magtutudlo: Kaminyoon tali sa usa ka Lalaki ug usa ka Babaye Gi-orden sa Dios
“Leksiyon 6 Materyal sa Magtutudlo: Kaminyoon tali sa usa ka Lalaki ug usa ka Babaye Gi-orden sa Dios,” Materyal sa Magtutudlo sa Ang Mahangtoron nga Pamilya (2002)
“Leksiyon 6 Materyal sa Magtutudlo,” Materyal sa Magtutudlo sa Ang Mahangtoron nga Pamilya
Leksiyon 6 Materyal sa Magtutudlo
Kaminyoon tali sa usa ka Lalaki ug usa ka Babaye Gi-orden sa Dios
Ang mga propeta, mga apostoles, ug ubang mga lider sa Simbahan sa ligdong paagi nagpahayag nga ang “kaminyoon tali sa usa ka lalaki ug usa ka babaye gi-orden sa Dios” (“Ang Pamilya: Usa ka Pamahayag ngadto sa Kalib[o]tan,” ChurchofJesusChrist.org). Niini nga leksiyon, ang mga estudyante dapiton sa pagpasabot kon nganong ang kaminyoon usa ka importanting bahin sa plano sa Dios. Ang mga estudyante motino usab kon unsay ilang mahimo sa paggamit sa hugot nga pagtuo diha sa Langitnong Amahan ug ni Jesukristo sa ilang pakigharong ngadto sa kaminyoon.
Mga Sugyot alang sa Pagtudlo
Ang kaminyoon tali sa usa ka lalaki ug usa ka babaye usa ka gikinahanglan nga lakang ngadto sa pagkahimong sama sa Dios.
Sa pagsugod sa klase, mahimong ikaw mangutana sa mga estudyante unsay mga tinuohan aduna ang mga tawo sa katilingban mahitungod sa kaminyoon. O mahimo nimong gamiton ang mosunod nga sitwasyon:
Ang usa ka higala nag-ingon nganha kanimo, “Wala ako makasabot nganong ang ubang mga tawo hilabihan kabalaka sa kaminyoon. Kini usa lamang ka katilingbanong batasan uban sa usa ka pirasong papel. Nganong ang duha ka tawo kinsa naghinigugmaay dili man lamang makahimo sa ilang kaugalingong panagsabot?”
Unsa ang pipila ka paagi nga kamo mahimong motubag ngadto niini nga mga ideya?
Sa daklit i-summarize ang kinatibuk-ang kahulogan sa Doktrina ug mga Pakigsaad 49. Hangyoa ang usa ka estudyante sa pagbasa og kusog sa Doktrina ug mga Pakigsaad 49:15–16. Hangyoa ang klase sa pagsunod, mangita kon giunsa pagtan-aw sa Ginoo ang kaminyoon.
Isulat ang mosunod nga doktrina gikan sa pahayag sa pamilya diha sa pisara: “Ang kaminyoon tali sa usa ka lalaki ug usa ka babaye gi-orden sa Dios … [ug] importante ngadto sa Iyang mahangturong plano” (“Ang Pamilya: Usa ka Pamahayag ngadto sa Kalib[o]tan”).
Unsaon nimo sa pagpasabot ngano nga ang kaminyoon tali sa usa ka lalaki ug usa ka babaye giorden sa Dios ug importante ngadto sa Iyang mahangturong plano? (Kon gikinahanglan, tan-aw ngadto sa mga pagpasabot niini nga doktrina diha sa seksiyon 1 sa materyal sa pagpangandam.)
Dawata nga ang pipila sa mga tawo kinsa nagtinguha og kaminyoon mahimong walay oportunidad sa pagminyo dinhi niini nga kinabuhi. Ang uban mahimong nagsinati og usa ka kaminyoon nga dili molungtad.
Unsa ang inyong ipakigbahin uban niadtong kinsa mibati nga ang ilang mga oportunidad alang sa kalipay ug kinabuhing dayon nawala tungod kay sila dili minyo? (Kon gikinahanglan, dapita ang mga estudyante sa pagrebyo sa seksiyon 2 sa materyal sa pagpangandam.)
Hatagi ang mga estudyante og panahon sa pagrekord sa ilang mga panghunahuna mahitungod sa mosunod nga mga pangutana:
Unsa nga mga hunahuna ug mga pagbati kamo aduna samtang kamo namalandong nga ang kaminyoon usa ka importanting bahin sa mahangturong plano sa Dios alang kaninyo sa personal?
Nagkuha gikan sa inyong kaugalingong kasinatian, mahimo kamong mopamatuod sa impluwesya sa doktrina sa Ginoo sa kaminyoon nga anaa diha kaninyo.
Ang Langitnong Amahan ug si Jesukristo makatabang kanato sa pagbuntog sa kahadlok ug sa pagkakaplag og kalipay diha sa atong mga kaminyoon.
Ipakita ang mosunod nga pahayag: Ako nagtuo nga ang akong kaminyoon mahimong mahigugmaon ug malungtaron. Dapita ang mga estudyante sa pagsukod sa ilang mga kaugalingon sa hilom nga paagi gikan sa 1 ngadto sa 4 ka han-ay sa sukdanan (1=dili uyon; 4=uyon) sa pagpakita sa ang-ang nga sila sa personal nagtuo niini nga pamahayag. Dapita ang mga estudyante sa pagpamalandong kon nganong sila mibati sa ingon.
Unsa nga mga kaguol o mga kahadlok kamo, o ang uban nga inyong kaila, aduna mahitungod sa kaminyoon, ug ngano?
Unsa ang kasagarang mga rason nga aduna ang mga young adult alang sa paglangan sa kaminyoon?
Pagpalambo sa Atong Pagtudlo ug Pagkat-on
Hatagi og bili ang mga kabalaka sa mga estudyante. Ang mga magtutudlo makaamuma og kahimtang sa pagtahod ug pagkadayag sa hunahuna samtang sila naghatag og bili sa mga kabalaka sa estudyante kay sa diha-diha dayon sila hagiton o ibale wala. Tinguhaa ang pagsabot nganong ang mga estudyante mibati sa ingon pinaagi sa pagpangutana ug matinahuron nga pagpaminaw. Pasalamati sila sa pagkaandam nga mopakigbahin sa ilang mga pagbati. Kon ang mga estudyante mobati nga ang ilang mga kabalaka gipaminaw ug gisabot, sila sa kinatibuk-an mas adunay purohan nga modawat sa tambag nga gihatag sa Ginoo aron sa pagtabang kanila sa ilang mga kabalaka.
Ipasabot nga ang mosunod nga mga kalihokan gituyo sa pagtabang og tubag sa pipila niini nga mga kahadlok, mga kabalaka, ug mga pangutana. Han-aya ang mga estudyante sa ginagmay nga mga grupo. Pagtudlo og usa ka lider alang sa matag grupo, ug hatagi siya sa mosunod nga handout (o paghimo og usa nga imong kaugalingon nga mas maayong magamit ngadto sa imong piho nga mga estudyante). Tugoti og igong panahon ang mga estudyante nga makabaton og usa ka makahuluganong panaghisgot.
Pagbuntog sa Kahadlok ug Pagdugang og Pagsalig sa Dios
Materyal sa Magtutudlo sa Ang Mahangtoron nga Pamilya—Leksiyon 6
Mubo nga sulat ngadto sa lider sa grupo: Palihog gamita ang mga panudlo sa ubos sa paghatag og kasayon sa usa ka panaghisgot uban sa mga sakop sa imong grupo. Awhaga ang tanang sakop sa inyong grupo sa pag-apil. Hinoon, kinahanglan nga walay usa nga mobati nga napugos sa pagpakigbahin.
Dapita ang mga sakop sa grupo sa pagpili og usa sa mga tudling sa kasulatan o mga kinutlo sa seksiyon 3 sa materyal sa pagpangandam nga linahi sa pagkamakahuluganon ngadto kanila. Dapita ang pipila kanila sa pagpakigbahin sa ilang kinutlo o tudling. Human ang matag indibidwal nakigbahin, mahimo kang mangutana:
Unsaon nato sa paggamit kini nga pagtulon-an sa pagbuntog sa mga kahadlok sa pagminyo o mga kahadlok nga ang usa ka tawo tingali maanaa sa panahon sa kaminyoon?
Dayon hisgoti ang mosunod nga mga pangutana isip usa ka grupo:
Giunsa ninyo pagbuntog ang mga kahadlok sa nanglabay nga panahon ug sa pagdugang sa inyong pagsalig sa Dios?
Unsa ang inyong gituohan o nahibaloan mahitungod sa Langitnong Amahan ug ni Jesukristo nga nakahimo kaninyo sa pagbuntog sa kahadlok ug sa pagsalig sa direksyon nga Ilang gihatag?
Human sa igong panahon, dapita ang pipila ka mga lider sa grupo sa pagpakigbahin og kamatuoran o panabot nga ilang naangkon gikan sa ilang panaghisgot sa grupo. Mahimo nimong isulat diha sa pisara ang mga kamatuoran nga ilang nailhan, nga mahimong nag-apil og kamatuoran sama sa mosunod: Samtang kita modangop ngadto sa Langitnong Amahan ug ni Jesukristo diha sa hugot nga pagtuo, kita makabuntog sa kahadlok ug Sila mogiya sa atong dalan.
Isip dugang nga saksi niini nga kamatuoran, hunahunaa ang pagpakigbahin sa kasinatian ni Elder ug Sister Holland sa pagpili nga magminyo nga makaplagan diha sa “Gusto pa og Dugang?” nga seksiyon sa materyal sa pagpangandam. O mahimo nga imong ipakigbahin ang mosunod nga kasinatian nga giasoy ni Elder Carl B. Cook sa Seventy:
Imahe
Elder Carl B. Cook
Usa ka matinud-anon nga batan-ong lalaki misulti kanamo nga nawad-an siya og kadasig mahitungod sa posibilidad sa usa ka malipayong kaminyoon. Dili lamang nga nagdiborsyo ang iyang mga ginikanan, apan usab ang matag tiya ug tiyo sa duha ka habig sa iyang pamilya. Miingon siya nga wala pa gayod siya makakita og malipayon nga kaminyoon sa personal nga paagi. Bisan pa niana, uban sa tabang sa Ginoo, gibuntog niya ang iyang mga kahadlok ug naminyo sa templo. Siya ug ang iyang asawa nagkaplag og kalipay diha sa ilang kaminyoon ug adunay lima ka matahom nga mga anak. (Carl B. Cook, “Continually Progressing toward Eternal Marriage” [tibuok kalibotan nga debosyonal alang sa mga young adult, Mayo 5, 2019], ChurchofJesusChrist.org)
Hatagi ang mga estudyante og pipila ka minuto sa pagrekord sa bisan unsa nga ilang gustong buhaton sa paggamit og mas dako nga hugot nga pagtuo diha sa Langitnong Amahan ug ni Jesukristo kalabot ngadto sa kaminyoon.
Ipasabot nga sa tibuok niini nga kurso, makakat-on pa og daghan ang mga estudyante mahitungod kon unsaon sa Langitnong Amahan ug ni Jesukristo nga makatabang kanila nga molampos sa pagtukod og lig-on, mahangturong mga kaminyoon. Hatagi og kasigurohan ang mga estudyante nga ang Langitnong Amahan ug si Jesukristo naghigugma kanila ug mga matinguhaon ug masaligon sa pagtabang kanila.
Alang sa Sunod nga Higayon
Awhaga ang mga estudyante sa ilang pagtuon sa materyal sa pagpangandam alang sa leksiyon 7 sa mainampoong pagpamalandong kon sa unsang paagi ang “pagkalalaki o pagkababaye [gender] usa ka importanting kinaiya sa [atong] wala pa dinhi sa yuta, mortal, ug mahangturong pagkatawo ug katuyoan” (“Ang Pamilya: Usa ka Pamahayag ngadto sa Kalib[o]tan”). Dapita sila sa paghunahuna usab kon unsaon nila sa pagtubag uban ang Kristohanong gugma ngadto niadtong kinsa adunay mga pangutana kalabot sa pagkalalaki o pagkababaye [gender].