Leksiyon 3 Materyal sa Magtutudlo

Atong Balaang Kinaiyahan ug Padulngan

Kita hinigugmang mga anak sa langitnong mga ginikanan, nga adunay balaang potensyal. Niini nga leksiyon, ang mga estudyante mousisa kon sa unsang paagi ang pagsabot sa ilang balaang kinaiyahan makaimpluwensya sa ilang relasyon ngadto sa Dios ug giunsa nila pagtan-aw ug pagtagad ang ilang mga kaugalingon ug ang uban. Mopiho usab ang mga estudyante kon unsaon nila paggamit ang kahibalo sa ilang balaang kinaiyahan ug padulngan sa pag-impluwensya sa mga pagpili nga ilang himoon.

Mga Sugyot alang sa Pagtudlo

Kita hinigugmang espiritu nga mga anak sa langitnong mga ginikanan.

Isip kabahin sa debosyonal sa klase, hunahunaa ang pag-awit og himno sama sa “O Amahan Ko” (Mga Himno, nu. 182) o “Ako Anak sa Dios” (Mga Himno, nu. 189).

Sa pagsugod sa klase, mahimo nimong dapiton ang mga estudyante sa pagpakigbahin og mga hugpong sa mga pulong gikan sa pambukas nga himno nga nagtudlo kanila mahitungod sa Dios ug mahitungod sa ilang mga kaugalingon ug sa pagpakigbahin unsay ilang nakat-onan. O mahimo kang magpakita sa mga estudyante og usa ka litrato sa imong mga ginikanan o sa laing tawo kinsa nag-impluwensya kanimo sa maayong paagi samtang ikaw nagdako. Pakigbahin og pipila ka pisikal nga mga kinaiya o personal nga mga batasan nga imong nakuha gikan kanila. Hangyoa ang pipila ka mga estudyante sa pagpakigbahin og usa ka butang nga ilang napanunod o nakat-onan gikan sa ilang mga ginikanan o sa laing tawo.

Ipakita diha sa pisara ang mosunod nga pamahayag gikan sa “Ang Pamilya: Usa ka Pamahayag ngadto sa Kalib[o]tan” (ChurchofJesusChrist.org): “Ang tanan nga mga tawo—lalaki ug babaye—gilalang diha sa hitsura sa Dios. Ang matag usa hinigugmang espiritu nga anak nga lalaki o babaye sa langitnong mga ginikanan, ug, sa ingon, ang matag usa adunay mga kinaiya sa pagkadios.”

• Unsa ang labing importante kaninyo niini nga pamahayag, ug ngano? (Mahimo kang mokuha gikan sa seksiyon 1 sa materyal sa pagpangandam sa pagtabang og lig-on sa pagsabot sa mga estudyante niini nga kamatuoran.)

• Unsa pa ang natabang sa mga propeta kanato nga mahibaloan mahitungod sa Dios ug sa atong relasyon ngadto Kaniya? Ug unsa ang gitudlo niana nga pagsabot mahitungod sa atong mga kaugalingon? (Mahimo kang mohatag sa mga estudyante og duha ka minuto sa pagrebyo sa seksiyon 1 sa materyal sa pagpangandam sa dili pa sila mopakigbahin sa ilang mga tubag ngadto niini nga mga pangutana.)

• Sa unsang paagi nga ang pagsabot nga ikaw anak sa Dios nag-impluwesya kon unsaon ninyo pagsimba Kaniya?

Pagpalambo sa Atong Pagtudlo ug Pagkat-on

Saligi ang pagpangandam sa imong mga estudyante. Pangita og mga paagi sa pag-awhag sa mga estudyante sa pagtuon sa materyal sa pagpangandam sa klase sa wala pay klase. Dayon gamita ang ilang pagpangandam sa panahon sa klase. Ang pagbuhat sa ingon makapadasig sa mga estudyante nga moangkon og mas dako nga responsibilidad alang sa ilang kaugalingong pagkat-on. Sulod sa kurso, hatagi ang mga estudyane og mga oportunidad sa pagpakigbahin kon sa unsang paagi ang materyal sa pagpangandam nakapalig-on sa ilang pagsabot sa doktrina sa pamilya ug sa pagdugang sa ilang kasinatian sa klase.

Nag-agad sa gidak-on sa imong klase, han-aya ang mga estudyante sa gagmay nga mga grupo sa paghisgot sa ilang mga tubag ngadto sa mosunod nga mga pangutana (dihay mga oportunidad ang mga estudyante samtang ilang gitun-an ang pagpangandam sa materyal sa pagsulat sa ilang mga hunahuna mahitungod sa usa o daghan pa niini nga mga pangutana):

• Unsaon ang pagsabot sa atong balaang kinaiyahan pag-apekto kon unsaon nato pagtagad ang atong mga kaugalingon ug ang uban? Kanus-a kamo dihay kasinatian diin nakahimo kamo sa pagpalabay sa daotang pamatasan o linihokan sa usa ka tawo ug nakita ang ilang balaang kinaiyahan?

• Unsa ang pipila ka mga ehemplo gikan sa kinabuhi sa Manluluwas nga nagpakita nga Siya misabot sa balaang kinaiyahan sa uban? Sa unsa nga mga paagi kaha kamo mas maayong mosunod Kaniya diha sa paagi nga kamo nagtratar sa uban?

Pagdungan og rebyo o ipaasoy sa usa ka estudyante ang kasinatian ni Moises sa pakig-istoryahay uban sa Dios ug dayon uban ni Satanas ingon nga narekord diha sa Moises 1:4–6, 12–16 (tan-awa sa seksiyon 2 sa materyal sa pagpangandam).

• Unsay atong makat-onan gikan sa kasinatian ni Moises? (Diha sa ubang mga kamatuoran, mahimong ang mga estudyante moila sa mosunod: Ang pagsabot sa atong balaang kinaiyahan makahatag og gahom ug makapanalipod kanato batok sa kaaway.)

• Ngano kaha ang pagsabot sa atong balaang kinaiyahan makahatag kanato og gahom batok sa kaaway?

• Unsaon kaha ninyo pagtabang ang inyong kaugalingon sa paghinumdom kon kinsa kamo kon si Satanas naninguha sa pagpatuo kaninyo sa laing paagi? (Mahimo kang modapit og mga estudyante sa pagpangita ngadto sa asoy ni Elder Brian K. Taylor nga anaa sa “Gusto Pa og Dugang?” nga seksiyon sa materyal sa pagpangandam alang sa usa ka ehemplo.)

Ipakita ang mosunod nga pamahayag gikan ni Presidente Russell M. Nelson:

Ang akong unang rekomendasyon mao ang pagkat-on alang sa inyong mga kaugalingon kon si kinsa gay[o]d kamo. Pangutan-a ang inyong Langitnong Amahan sa ngalan ni Jesukristo unsa ang Iyang gibati mahitungod kaninyo ug sa inyong misyon dinhi sa yuta. Kon kamo mangayo uban sa tinuod nga katuyoan, sa kadugayan ang Espiritu mohunghong og makapausab sa kinabuhi nga kamatuoran diha kaninyo. I-rekord kadto nga mga impresyon, rebyoha kini kanunay, ug sunda kadto nga mga impresyon nga walay pagkasayop. (“Bar[o]g isip Tinuod nga mga Milenyal,” Liahona, Okt. 2016, 49)

Hatagi ang mga estudyante og pipila ka mga minuto sa pagpamalandong ug paghunahuna kon unsay ipabuhat sa Ginoo kanila sa pagsabot pa sa ila ug sa uban nga balaang kinaiyahan. Mahimo nimong dasigon sila sa pag-ampo sa tago ingon nga si Presidente Nelson miawhag ug sa pagrekord, karon ug sa hinay-hinay, sa bisan unsa nga mga panghunahuna nga ilang madawat.

Matag usa kanato adunay balaang padulngan.

Idugang ang mosunod nga hugpong sa mga pulong gikan sa pamahayag sa pamilya nga gipakita diha sa pisara: “ug padulngan.”

Dapita ang usa ka estudyante sa pagbasa og kusog sa Mga Taga-Roma 8:16–17. Hangyoa ang klase sa pagsunod, mangita sa unsay gitudlo ni Apostol Pablo mahitungod sa atong balaang padulngan.

• Unsa ang gitudlo niini nga kasulatan kaninyo mahitungod sa unsay gusto sa inyong Amahan sa Langit ug ni Jesukristo alang kaninyo? (Kon gikinahanglan, tabangi ang mga estudyante sa pagsabot kon unsa ang kahulogan niini nga mahimong “isigka manununod uban ni Kristo.” Tan-awa sa seksiyon 3 sa materyal sa pagpangandam alang sa pagpasabot.)

Mahimo kang mohangyo sa usa ka estudyante sa wala pay klase sa pag-andam sa pag-summarize ug sa pagpakigbahin sa iyang mga pagbati mahitungod sa pamahayag ni Presidente Dieter F. Uchtdorf sa seksiyon 3 sa materyal sa pagpangandam.

Hatagi ang mga estudyante og panahon sa paghunahuna sa mosunod nga mga pangutana, ug dasiga sila sa pag-rekord og bisan unsa nga mga panghunahuna nga ilang madawat:

• Sa unsang paagi nga ang inyong kahibalo sa inyong balaang kinaiyahan ug padulngan mohulma sa mga pagpili nga inyong himoon karon?

• Giunsa pag-usab sa pamahayag ni Presidente Uchtdorf ang inyong pagtan-aw sa inyong katumbahon, nga mga lakang sama sa gamay nga bata? Sa unsa nga mga paagi kamo makadapit sa Ginoo sa pagtabang kaninyo sa pagpadayon ngadto sa unahan?

Dapita ang pipila ka mga estudyante sa pagpakigbahin sa ilang mga hunahuna o mga pagpamatuod mahitungod sa unsay ilang nakat-onan niini nga leksiyon.

Mahimo nimong taposon pinaagi sa pagpakigbahin sa kalainan nga nahimo sa pagkahibalo sa imong balaang kinaiyahan ug padulngan diha sa imong kinabuhi. Dasiga ang mga estudyante sa pagpangita og mga paagi sa paghinumdom kon kinsa sila ug ang uban ug sa pagtagad sa ilang mga kaugalingon ug sa uban sa maayong paagi.

Alang sa Sunod nga Higayon

Hunahunaa ang paghangyo sa mga estudyante sa paghunahuna mahitungod kon unsaon sa pamilya sa paghaom diha sa plano sa Langitnong Amahan. Samtang sila nagtuon sa mahinungdanong plano nga ang Dios aduna sa mga pamilya, dasiga ang mga estudyante sa paghunahuna kon unsa ka importante ang ilang pamilya sa ilang kaugalingong mga plano alang sa ilang mga kinabuhi.