Leksiyon 27 Materyal sa Magtutudlo

Ang Pagpauswag ug Pagpanalipod sa Pamilya isip ang Sukaranan nga Yunit sa Katilingban

Ang mga propeta ug mga apostoles mitawag kanato “sa pag-awhag sa mga tawo sa paghimo niadtong mga butang nga gihimo sa pagpadayon ug sa paglig-on sa pamilya isip sukaranan nga yunit sa katilingban” (“Ang Pamilya: Usa ka Pamahayag ngadto sa Kalib[o]tan,” ChurchofJesusChrist.org). Niini nga leksiyon, ang mga estudyante moila sa mga impluwensya nga nakatampo sa pagkabungkag sa pamilya. Ang mga estudyante mokonsiderar usab unsay ilang mahimo sa pagtuboy ug pagpanalipod sa pamilya isip ang sukaranan nga yunit sa katilingban.

Mga Sugyot alang sa Pagtudlo

Ang kaaway nagtinguha sa paglaglag sa pamilya.

Kon posible, ipakita ang mosunod nga pamahayag ni Presidente Julie B. Beck, kanhi Kinatibuk-ang Presidente sa Relief Society, ug basaha kini nga magdungan:

Kini nga henerasyon pagatawagon aron sa pagpanalip[o]d sa doktrina kabahin sa pamilya nga wala pa gay[o]d mahitabo sukad. Kon sila wala masay[o]d niini, sila dili makapanalip[o]d niini. …

Agi og dugang sa pagpasab[o]t sa teyolohiya sa pamilya, kitang tanan kinahanglang makasab[o]t sa mga hulga ngadto sa pamilya. Kay kon dili, kita dili makaandam alang sa gubat. (“Pagtudlo sa Doktrina kabahin sa Pamilya,” Liahona, Mar. 2011, 34, 37)

• Ngano nga ang doktrina sa Ginoo bahin sa pamilya magkinahanglan og panalipod?

Ipakita ang mosunod nga pamahayag gikan sa pamahayag sa pamilya: Ang pagkabungkag sa pamilya makadala sa tagsa-tagsa, sa mga komunidad, ug sa nas[o]d sa mga katalagman nga gipanagna sa karaan ug sa bag-o nga mga propeta.

Paghimo og duha ka kolum sa pisara. Isulat ang mosunod nga ulohan ibabaw sa unang kolum: Ang mga impluwensya nga nakatampo sa pagkabungkag sa pamilya. Dapita ang mga estudyante sa paglista og mga ideya nga moabot sa hunahuna, ug hangyoa ang usa ka estudyante sa pagsulat sa mga tubag sa mga sakop sa klase diha sa pisara. (Mahimo nimong awhagon ang mga estudyante sa pagrebyo sa seksiyon 1 sa materyal sa pagpangandam, lakip sa pagtuon sa 2 Timoteo 3:1–6, 13, kon sila nagkinahanglan og tabang.) Samtang ang mga estudyante molista sa ilang mga ideya, awhaga sila sa pagpasabot sa unsa nga paagi nga kini nga mga impluwensya nakatampo sa pagkabungkag sa pamilya.

Isulat ang mosunod nga ulohan sa ibabaw sa ikaduha nga kolum diha sa pisara: Ang doktrina nga gipahayag diha sa pamahayag sa pamilya makabatok niini nga mga impluwensya. Dapita ang mga estudyante sa paggamit sa pamahayag bahin sa pamilya sa paglista sa importante nga doktrina diha sa pisara.

• Sa unsa nga paagi nga ang pagtuon sa doktrina sa Ginoo bahin sa pamilya niini nga kurso makaandam ninyo nga mas makapanalipod niini?

Kita adunay responsibilidad sa pagpanalipod ug pagtuboy sa pamilya.

Ipakita ang mosunod nga pamahayag gikan sa pamahayag sa pamilya: Kami nagtawag sa may kapangakohan nga mga lumulupyo ug mga opisyal sa gobyerno bisan asa sa pag-awhag sa mga tawo sa paghimo niadtong mga butang nga gihimo sa pagpadayon ug sa paglig-on sa pamilya isip sukaranan nga yunit sa katilingban.

Pagpalambo sa Atong Pagtudlo ug Pagkat-on

Tabangi ang mga estudyante nga mobati sa kamatuoran ug sa kaimportante sa mga doktrina ug mga baroganan. Ang mga estudyante mas lagmit nga mogamit sa mga doktrina ug mga baroganan kon sila mobati sa kamatuoran niini ug sa kaimportante pinaagi sa Espiritu ug mobati sa kadinalian nga ilakip kini sa ilang kinabuhi. Usa ka epektibong paagi sa pagtabang sa mga estudyante nga mobati sa kamatuoran ug kaimportante sa mga doktrina ug mga baroganan mao ang pag-awhag kanila sa pagpamalandong ug pagpaambit sa personal nga mga kasinatian nga may kalabotan niini nga mga kamatuoran.

Pahinumdomi ang mga estudyante nga sila gidapit sa paghimo og yanong plano sa mga aksyon nga ilang mahimo sa pagtuboy o pagpanalipod sa pamilya (tan-awa sa seksiyon 2 sa materyal sa pagpangandam).

• Unsa ang pipila ka paagi nga atong matuboy ang pamilya isip ang sukaranan nga yunit sa katilingban? (Ilista sa pisara ang mga tubag sa mga estudyante. Dayon dapita ang pipila ka estudyante sa pagpaambit og personal nga mga kasinatian kalabot sa mga ideya diha sa pisara.)

• Unsa kaha ang mga sangpotanan kon kita mapakyas sa pagsulti sa pagtuboy o pagpanalipod sa atong mga pagtuo mahitungod sa kaminyoon ug sa pamilya?

Mahimo nimong ipaambit ang mosunod nga pamahayag ni Presidente M. Russell Ballard sa Korum sa Napulog Duha ka Apostoles: “Kinahanglang hinumduman nato ang pamahayag ni Edmund Burke: ‘Ang bugtong ra nga butang nga gikinahanglan aron magmadaugon ang dautan mao nga ang buotang mga tawo [ug mga babaye] walay buhaton’ [gipahinungod sa John Bartlett, comp., Familiar Quotations, 15th ed. (1980), ix]” (“Ipadungog Nato ang Atong mga Tingog,,” Liahona, Nob. 2003, 18).

• Sa unsa nga paagi ang Ginoo makatabang nato sa pagbuntog sa atong bisan unsa nga pagduhaduha o kahadlok kon motuboy o manalipod sa kaminyoon ug sa pamilya?

Pagpili og usa sa mosunod nga mga opsyon aron matabangan ang mga estudyante nga mapalambo ang ilang abilidad sa pagtuboy ug pagpanalipod sa kaminyoon ug sa pamilya:

Opsiyon 2

Basaha pagdungan ang Moroni 7:3–5 ug ang Doktrina ug mga Pakigsaad 19:30, ug rebyoha ang lista sa mga baroganan diha sa seksiyon 3 sa materyal sa pagpangandam. Dapita ang mga estudyante sa pagbansay niini nga mga baroganan sa mosunod nga kalihokan:

Dapita ang mga estudyante sa pagpakigtambayayong og usa ka kauban. Ipasabot nga ikaw mopresentar og lahi-lahi nga mga senaryo pinaagi sa mga pangutana (tan-awa sa ubos). Ang usa ka kauban dayon mohatag og usa ka minuto nga tubag nga yano, klaro, ug dili maawayon, samtang ang ubang kauban maminaw. Human sa matag tubag, tugoti ang mga kauban sa paghisgot og lakbit uban sa usag usa unsa ang nindot ug unsa ang mapalambo pa. Dapita ang mga kauban nga mag-ilis og tahas alang sa sunod nga pangutana.

Gamita ang mosunod nga mga pangutana o pipila sa imong kaugalingon nga motubag sa mga panginahanglan sa mga estudyante:

1. Ngano nga ang inyong simbahan supak sa aborsyon? Wala ba kamo motuo sa katungod sa usa ka babaye sa pagpili unsay mahitabo sa iyang lawas?

2. Ngano nga ang minyo nga mga miyembro sa inyong simbahan giawhag nga magbaton og mga anak? Wala ba kamo mabalaka nga modaghan ra kaayo ang populasyon?

3. Ngano nga ang inyong simbahan supak sa kaminyoon sa managsama og sekso? Dili ba kamo gusto nga ang tanan adunay sama nga mga katungod ug magmalipayon?

4. Unsay sayop sa pakigpuyo sa usa ka tawo sa dili pa ikaw maminyo? Dili ba kana makahatag sa gikinahanglan nga “pagsulay daan” aron sa pagsiguro nga kamo angay sa usag usa?

Human sa kalihokan, dapita ang pipila ka estudyante sa pagpaambit sa unsay ilang nakat-onan gikan sa ilang mga panaghisgotan.

Sa pagtapos sa leksiyon, dapita ang mga estudyante sa pagkonsiderar og usa ka butang nga ilang mahimo sa pagpalambo sa ilang abilidad nga makapahigayon og Kristohanon nga mga panasultihanay sa uban mahitungod sa kaminyoon ug sa pamilya. Awhaga ang mga estudyante sa pagkonsiderar sa pagpangita og mga paagi sa pagbansay sa paggamit sa mga baroganan diha sa seksiyon 3 sa materyal sa pagpangandam pinaagi sa paghisgot sa mahagiton nga mga pangutana mahitungod sa kaminyoon ug sa pamilya uban sa usa ka higala o sakop sa pamilya.

Alang sa Sunod nga Higayon

Dapita ang mga estudyante sa pagkonsiderar unsa nga mga kamatuoran ang ilang nakat-onan ug nahisgotan atol niini nga kurso sa Mahangtoron nga Pamilya nga nakatabang nila nga mobati nga malaomon ug madasigon mahitungod sa ilang kasamtangan ug umaabot nga mga pamilya. Awhaga sila sa pagtuon sa materyal sa pagpangandam alang sa sunod nga leksiyon ug mahimong andam sa pagpaambit og usa o daghan pa nga mga butang nga dunay labing dakong epekto nga ilang nakat-onan atol niini nga kurso.