1 Nīfai 2–3; 5

Selaia

Ko e fononga ʻa ha fefine ʻi he tuí

Naʻe nofo ʻa Selaia mo hono fāmilí ʻi Selusalema. Naʻe hoko hono husepāniti ko Līhaí, ko ha palōfita ʻa e ʻOtuá. ʻI ha ʻaho ʻe taha, naʻe folofola ʻa e ʻEikí kia Līhai ke mavahe mo hono fāmilí mei Selusalema.

1 Nīfai 2:1–3

Naʻe tui ʻa Selaia ki he ʻEikí. Naʻá ne mavahe mo hono fāmilí mei honau ʻapí. Naʻa nau tuku ʻenau koulá mo e silivá ka nau ō mo Līhai ki he feituʻu maomaonganoá.

1 Nīfai 2:4–5

Naʻe ʻave ʻe Selaia mo Līhai ha meʻakai mo ha ngaahi meʻa kehe pē naʻa nau fiemaʻu. Hili ʻenau fononga ʻi ha ngaahi ʻaho lahi, naʻa nau fokotuʻu ha ngaahi fale fehikitaki ke nau nofo ai ʻi he feituʻu maomaonganoá. Hili iá naʻa nau langa leva ha ʻesi-feilaulau pea fakamālō ki he ʻEikí ʻi Heʻene tokoní.

1 Nīfai 2:4, 6–7, 15

ʻI ha ʻaho ʻe taha, naʻe folofola ʻa e ʻEikí ki he ngaahi foha ʻo Selaia mo Līhaí ke nau ō ki Selusalema ʻo ʻomi ʻa e ʻū lauʻi peleti palasá. Naʻe ilifia ʻa Selaia ʻi he taimi naʻe ʻikai foki mai ai hono ngaahi fohá. Naʻá ne fakakaukau kuo nau mate. Naʻe fakafiemālieʻi ʻe Līhai ʻa Selaia. Naʻá na fili ke falala ʻe maluʻi ʻe he ʻEikí hona ngaahi fohá.

1 Nīfai 3:1–2, 4–6; 5:1–6

Naʻe fiefia lahi ʻa Selaia ʻi he foki mai hono ngaahi fohá mei Selusalemá. Naʻá ne ʻiloʻi ʻeni naʻe maluʻi kinautolu ʻe he ʻEikí. Naʻá ne falala ʻe foaki ange ʻe he ʻEikí ha mālohi kiate kinautolu ke fai ʻa e meʻa naʻá Ne kolé. Naʻe fiefia kotoa ʻa e fāmili ʻo Selaiá, pea naʻa nau fakafetaʻi ki he ʻEikí.

1 Nīfai 5:7–9