ʻAlamā mo Kolihola

Tui ʻoku moʻoni ʻa e ʻOtuá

Malimali ʻa Kolihola mo lea ki ha taha ʻi heʻenau fononga fakataha ʻi ha hala femoʻuekina.

Naʻe haʻu ha tangata ko Kolihola ki he fonua ko Seilahemalá. Naʻá ne fakahā ki he kakaí ʻoku ʻikai moʻoni ʻa e ʻOtuá mo Sīsū Kalaisi.

ʻAlamā 30:6, 12, 37–38, 45

Malimali ʻa Kolihola mo kamo ki ha kiʻi tamasiʻi loto-mamahi

Naʻe pehē ʻe Kolihola ʻe toki lava pē ke ʻilo ʻe he kakaí ha meʻa kapau te nau mamata ki ai. Naʻá ne fakakata ʻaki ʻa e kakai naʻe tui kia Sīsuú.

ʻAlamā 30:13–16

ʻOku malimali mo talanoa ʻa Kolihola ki ha falukunga kakai

Naʻe pehē ʻe Kolihola ʻoku ʻikai fiemaʻu ʻe he kakaí ʻa e ngaahi fekau ʻa e ʻOtuá. Naʻá ne pehē ʻe lava ke fai ʻe he kakaí ha meʻa pē ʻoku nau fie fai. Naʻe tui ha kakai tokolahi kiate ia. Naʻa nau pehē leva ke nau fai ha ngaahi ngāue ʻoku kovi.

ʻAlamā 30:17–18

Naʻe haʻi ʻa Kolihola pea fakafeʻao ia ki tuʻa ʻe he kau sōtiá mei he koló.

Naʻe feinga ʻa Kolihola ke akoʻi e kau ʻAnitai-Nīfai-Līhaí, ka naʻe ʻikai ke nau tui kiate ia. Naʻa nau haʻi ia pea ʻave mamaʻo. Pea ʻalu leva ia ki he fonua ko Kitioné. Naʻe toe haʻi ia ʻe he kakai ʻi aí. Naʻa nau ʻave ia kia ʻAlamā.

‘Alamā 30:19–29

malimali ʻa Kolihola mo kamo atu kia ʻAlamā

Naʻe talaange ʻe Kolihola kia ʻAlamā ʻoku ʻikai moʻoni ʻa e ʻOtuá. Naʻá ne pehē naʻe loi ʻa ʻAlamā mo e kau taulaʻeiki kehé ki he kakaí. Naʻe pehē ʻe Kolihola naʻa nau ʻai ʻa e kakaí ke nau muimui ki ha ngaahi tukufakaholo ngalivale. Naʻá ne toe pehē foki naʻa nau toʻo ʻa e paʻanga mei he kakaí. Naʻe ʻiloʻi ʻe ʻAlamā naʻe ʻikai moʻoni ʻeni. Naʻá ne tui ki he ʻOtuá mo Sīsū.

ʻAlamā 30:30–40

ʻOku talanoa ʻa ʻAlamā ki ha falukunga kakai ka ʻoku tangutu pē ʻa Kolihola ʻi mui ʻoku kūnima

Naʻe pehē ʻe ʻAlamā ʻoku tokoni ʻa e kau palōfitá mo e meʻa kotoa pē ʻi he māmaní ke ʻiloʻi ʻe he kakaí ʻoku moʻoni ʻa e ʻOtuá. Naʻe fiemaʻu ʻe Kolihola ha fakamoʻoni lahi ange. Naʻe pehē ʻe ʻAlamā te ne ʻoange ha fakamoʻoni kia Kolihola. Naʻá ne pehē ʻe ʻai ʻe he ʻOtuá ʻa Kolihola ke ʻoua ʻe toe lava ʻo lea. Ko e taimi pē naʻe lea ʻaki ai ʻeni ʻe ʻAlamaá, naʻe ʻikai toe lava ʻa Kolihola ʻo lea.

ʻAlamā 30:41–50

ʻOku mata mamahi ʻa Kolihola pea tuhu ki ha laʻipepa ʻoku tuʻu ai ha tohi ka ʻoku mavahe ʻa e kakaí meiate ia.

Naʻe tohi ʻe Kolihola ʻokú ne ʻilo ʻoku moʻoni ʻa e ʻOtuá. Kuó ne ʻiloʻi maʻu pē ia. Naʻá ne tohi ʻo pehē naʻe kākaaʻi ia ʻe he tēvoló. Naʻe talaange ʻe he tēvoló kia Kolihola ke akoʻi ha ngaahi loi fekauʻaki mo e ʻOtuá mo Sīsū. ʻI he taimi naʻe ʻilo ai ʻe he kakaí ʻa e moʻoni fekauʻaki mo Koliholá, naʻe ʻikai ke nau tui ki heʻene ngaahi akonakí. Naʻa nau fakatomala pea kamata ke toe muimui kia Sīsū.

ʻAlamā 30:52–53, 57–58