ʻAlamā 24; 53; 56–57

Ngaahi Faʻē ʻa ha Kau Tau Kei Talavou

Ko hono akoʻi ʻo e fānaú ke nau falala ki he ʻOtuá

Naʻe ʻofa ʻa e kau ʻAnitai-Nīfai-Līhaí ki he ʻEikí mo e kakai kotoa pē. Naʻe akoʻi ʻe he ngaahi faʻeé ʻenau fānaú te nau lava maʻu pē ʻo falala ki he ʻOtuá. Naʻa nau akoʻi kinautolu ke tauhi ʻa ʻEne ngaahi fekaú.

ʻAlamā 26:31–34; 27:12, 27–30; 56:47–48; 57:21, 26

Naʻe fetauʻaki ʻa e kau Nīfaí mo e kau Leimaná ʻi ha tau lahi. Naʻe tau ʻa e kau Nīfaí ke maluʻi honau kakaí mo e kau ʻAnitai-Nīfai-Līhaí.

ʻAlamā 48–52; 53:10–13

Koeʻuhí ko ʻenau ngaahi angahala he kuohilí, naʻe fai ai ʻe he kau ʻAnitai-Nīfai-Līhaí ha fuakava, pe palōmesi makehe, mo e ʻOtuá ke ʻoua naʻa nau teitei tauʻi ha taha. Ka naʻa nau ʻofa ʻi he kau Nīfaí mo fie tokoni.

ʻAlamā 24:6–19; 53:10–13

Naʻe ʻamanaki ke tau ʻa e kau ʻAnitai-Nīfai-Līhaí ʻi he taú. Ka naʻe fakalotoʻi kinautolu ʻe he palōfita ko Hilamaní mo e kau taki kehe ʻo e Siasí ʻoku totonu ke nau tauhi ʻenau palōmesi ke ʻoua ʻe taú. Naʻe pau ke mamata ʻa e kau ʻAnitai-Nīfai-Līhaí ki he foua ʻe honau ngaahi kaungāmeʻá ha ngaahi faingataʻa lahi, ka naʻa nau tauhi ʻenau fuakava mo e ʻOtuá.

ʻAlamā 53:13–15

Naʻe ʻikai fai ʻe he ngaahi foha ʻo e kau ʻAnitai-Nīfai-Līhaí ʻa e fuakava naʻe fai ʻe heʻenau mātuʻá. Ko ʻeni naʻa nau fai ʻenau fuakava pē ʻa kinautolu te nau tau ke maʻu ʻa e tauʻatāiná.

ʻAlamā 53: 16–17

Naʻa nau maʻu ha loto-toʻa lahi. Kuo nau ako mei heʻenau ngaahi faʻeé, kapau ʻe ʻikai te nau taʻetui, ʻe fakahaofi ʻa kinautolu ʻe he ʻOtuá.

ʻAlamā 53:20; 56:47

Naʻe tui e ngaahi fohá ki heʻenau ngaahi faʻeé. Naʻe tauhi faivelenga ʻa e ngaahi fohá ki he ʻOtuá mo tauhi ʻEne ngaahi fekaú. Naʻa nau falala ʻe maluʻi kinautolu ʻe he ʻOtuá. Naʻe ʻiloʻi ʻe he ngaahi faʻeé ʻe maluʻi ʻe he ʻOtuá honau ngaahi fohá.

ʻAlamā 53:20–21; 56:47–48; 57:20–21, 26