2 Nīfai 4–5

Ko Ha ʻApi Foʻou ʻi he Fonua ʻo e Talaʻofá

Ko e Kau Nīfaí mo e Kau Leimaná

Naʻe fakaʻau ke tokolahi ʻa e fāmili ʻo Līhai mo Selaiá ʻi he fonua ʻo e talaʻofá. Naʻe maʻu ʻe heʻena fānaú ha fānau pē ʻanautolu. Naʻe fakaʻau ke motuʻa ʻa Līhai. Kimuʻa peá ne mālōloó, naʻá ne foaki ha ngaahi tāpuaki ki he kakai ʻi hono fāmilí. Naʻá ne talaange kiate kinautolu ko e taimi te nau tauhi ai ʻa e ngaahi fekau ʻa e ʻOtuá, ʻe tokoniʻi kinautolu ʻe he ʻEikí.

2 Nīfai 4:3–12

Hili ʻa e mālōlō ʻa Līhaí, naʻe taki ʻe Nīfai ʻa e kakaí. Naʻá ne talaange ke nau talangofua ki he ʻEikí. Naʻe ʻita ʻa Leimana mo Lēmiuela. Naʻá na loto ke tamateʻi ʻa Nīfai koeʻuhí ka na taki kinaua.

2 Nīfai 4:13; 5:1–4

Naʻe fekau ʻe he ʻEikí kia Nīfai ke mavahe mo hono fāmilí pea mo ha toe taha pē ʻe fie muimui ki he ʻEikí. Naʻa nau fononga ʻi ha ngaahi ʻaho lahi pea maʻu ha feituʻu foʻou ke nau nofo ai.

2 Nīfai 5:1, 5–8

Naʻe ui ʻa kinautolu naʻe ō mo Nīfaí ko e kau Nīfaí, pea naʻe ui ʻa kinautolu naʻe nofó ko e kau Leimaná. Naʻe kole ʻe he kau Nīfaí kia Nīfai ke tataki kinautolu. Naʻa nau ngāue mālohi. Naʻa nau ngoue, tauhi ha fanga monumanu, pea langa ha temipale mo ha ngaahi fale kehe. Naʻe akoʻi kinautolu ʻe he kau taulaʻeikí mo e kau akonakí fekauʻaki mo e ʻEikí, pea naʻe fiefia ʻa e kakaí.

2 Nīfai 5:9–11, 13–17, 26–27