ʻAlamā 14

Ko ‘Alamā mo ‘Amuleki ‘i he Fale Fakapōpulá

Tui ki he ʻEikí ʻi he lotolotonga ʻo e ngaahi taimi faingataʻá

Ko ʻAlamā mo ʻAmuleki mo e kau leʻó

Naʻe akoʻi ʻe ʻAlamā mo ʻAmuleki ʻa e ongoongoleleí ʻi he kolo ko ʻAmonaihaá. Naʻe tui ha kakai ʻe niʻihi ki he ʻEikí pea nau fakatomala. Ka naʻe ʻita ha kakai tokolahi kehe kia ʻAlamā mo ʻAmuleki mo nau fie fakaʻauha kinaua. Naʻe haʻi ʻe he kakai ʻitá ʻa ʻAlamā mo ʻAmuleki pea ʻave ʻa e ongo tangatá ki he tuʻi fakamaau lahi ʻo e koló.

ʻAlamā 8:29–30; 14:1–4

ʻAlamā mo ʻAmuleki ʻoku haʻi hona ongo nimá

Naʻe ʻikai tui ʻa e tuʻi fakamāú ʻoku fiemaʻu ke fakatomala hono kakaí. Naʻe ʻita ʻa e kakaí kia ʻAlamā mo ʻAmuleki. Naʻa nau ʻai ʻa e kakai tangata naʻe tui ki he meʻa naʻe akoʻi ʻe ʻAlamā mo ʻAmulekí ke nau mavahe mei he koló. Pea nau laku ʻa e kakai fefine mo e fānau naʻe tui ki he ʻEikí ki ha afi.

ʻAlamā 14:3, 5–9, 14, 16

ʻAmuleki mo ʻAlamā ʻokú na mata mamahi ʻaupito

Naʻe loto-mamahi ʻaupito ʻa ʻAmuleki ʻi heʻene mamata ki he mamahi ʻa e kakaí. Naʻá ne kole kia ʻAlamā ke ne fakaʻaongaʻi ʻa e mālohi ʻo e ʻOtuá ke fakahaofi kinautolu. Ka naʻe pehē ʻe ʻAlamā ʻoku ʻikai fakangofua ia ʻe he Laumālie ʻo e ʻOtuá. Naʻá ne talaange kia ʻAmuleki ʻe fakataha ʻa e kakai fefiné mo e fānaú mo e ʻEikí. ʻE fakamāuʻi ʻe he ʻEikí ʻa e kakai naʻa nau fakapoongi kinautolú.

ʻAlamā 14:9–11

kata ʻa e tuʻi fakamāú

Naʻe fakakata ʻaki ʻe he tuʻi fakamāú ʻa ʻAlamā mo ʻAmuleki koeʻuhí naʻe ʻikai maluʻi ʻe he ʻEikí ʻa e kakai fefiné mo e fānaú. Naʻá ne ʻave ʻa ʻAlamā mo ʻAmuleki ki he fale fakapōpulá.

ʻAlamā 14:14–17

Ko ‘Alamā mo ‘Amuleki ‘i he fale fakapōpulá

Hili ha ʻaho ʻe tolu, naʻe ʻalu ʻa e tuʻi fakamaau lahí ki he fale fakapōpulá mo ʻene kau taulaʻeiki loí. Naʻa nau fai ha ngaahi fehuʻi lahi. Ka naʻe ʻikai ke tali kinautolu ʻe ʻAlamā mo ʻAmuleki.

ʻAlamā 14:18–19

kataʻi ʻe he tuʻi fakamāú ʻa ʻAlamā mo ʻAmuleki ʻi he fale fakapōpulá

Naʻe fai ʻe he tuʻi fakamāú mo ʻene kau taulaʻeikí ha ngaahi meʻa taʻeʻofa kia ʻAlamā mo ʻAmuleki. Naʻe ʻikai foki ke nau ʻoange kia ʻAlamā mo ʻAmuleki ha meʻakai pe vai. Pea naʻa nau fakakata ʻaki ʻa e meʻa naʻe akoʻi ʻe ʻAlamā mo ʻAmulekí.

ʻAlamā 14:19–22

Naʻe haʻi ʻa ʻAmuleki mo ʻAlamā ʻo ofi ki he tuʻi fakamāú.

Naʻe faingataʻaʻia ʻa ʻAlamā mo ʻAmuleki ʻi ha ngaahi ʻaho lahi. Naʻe toe foki mai ʻa e tuʻi fakamāú mo ʻene kau taulaʻeikí. Naʻá ne talaange kia ʻAlamā mo ʻAmuleki kapau ʻoku na maʻu ʻa e mālohi ʻo e ʻOtuá, ʻoku totonu ke na motuhi ʻa e maea ʻoku haʻi ʻaki kinauá. Pea ʻe tui leva kiate kinaua.

ʻAlamā 14:23–24

ʻOku tuʻu ʻa ʻAmuleki mo ʻAlamā ki ʻolunga

Naʻe ongoʻi ʻe ʻAlamā mo ʻAmuleki ʻa e mālohi ʻo e ʻOtuá. Naʻá na tuʻu ki ʻolunga. Naʻe tui ʻa ʻAlamā ki he ʻEikí peá ne kole ha mālohi ke ne motuhi ʻa e maeá.

ʻAlamā 14:25–26

motumotu ʻa e maeá

Naʻe motuhi ʻe ʻAlamā mo ʻAmuleki ʻa e maeá. Naʻe ilifia ʻa e tuʻi fakamāú mo ʻene kau taulaʻeikí. Naʻa nau feinga ke hola, ka naʻe kamata ke ngalulululu ʻa e kelekelé.

ʻAlamā 14:26–27

Ko ʻAmuleki mo ʻAlamā ʻi ha funga fale fakapōpula kuo holofa

Naʻe holo ʻa e ngaahi ʻā ʻo e fale fakapōpulá ʻi he tuʻi fakamāú mo ʻene kau taulaʻeikí, pea nau mate. Ka naʻe maluʻi ʻe he ʻEikí ʻa ʻAlamā mo ʻAmuleki. ʻI he taimi naʻe fanongo ai ʻa e kakaí ki he longoaʻá, naʻa nau lele ke sio he meʻa ʻoku hokó. Naʻe hū ki tuʻa ʻa ʻAlamā mo ʻAmuleki mei he fale fakapōpulá. Naʻe ilifia lahi ʻa e kakaí ʻia ʻAlamā mo ʻAmuleki pea nau hola.

ʻAlamā 14:27–29