“Ko ha Kaunanga Nīfai,” Ngaahi Talanoa ʻo e Tohi ʻa Molomoná (2023)
Ko Ha Kaunanga Nīfai
Ko e tokoni ke maluʻi hono kakaí
Naʻe ngāue ha kaunanga ki ha taki ʻo e kau Nīfaí ko Molianitoni. Naʻe fakatupu ʻe Molianitoni ha palopalema ʻi he kakaí. Naʻá ne ʻohofi ha kau Nīfai mo feinga ke faʻao honau kelekelé. Pea palani leva ke fononga fakatokelau mo hono kakaí ke faʻao ʻa e fonua ʻi aí.
ʻI ha ʻaho ʻe taha, naʻe ʻita ʻa Molianitoni ʻi he kaunangá. Naʻá ne ngaohi koviʻi ia mo fakamamahiʻi. Naʻe hola ʻa e kaunangá ʻo lele ki he ʻapitanga ʻo e ʻEikitau ko Molonaí. Naʻá ne fakamatala kia Molonai ʻa e ngaahi meʻa kovi naʻe fai ʻe Molianitoní. Naʻe tui ki ai ʻa Molonai.
Naʻe toe pehē foki ʻe he kaunangá naʻe fie mavahe ʻa Molianitoni ʻo puleʻi ʻa e fonua ʻi he tokelaú. Naʻe manavasiʻi ʻa Molonai. ʻE lava ke ʻi ha tuʻunga fakatuʻutāmaki ʻa e kau Nīfaí kapau ʻe maʻu ʻe Molianitoni ʻa e fonua ʻi he tokelaú. Te ne ala fakatupu ke mole ʻi he kakaí ʻenau tauʻatāiná.
Naʻe fekauʻi atu ʻe Molonai ha kau tau ke taʻofi ʻa Molianitoni. Naʻe tauʻi ʻe he kakai ʻo Molianitoní ʻa e kau taú pea nau foʻi. Naʻa nau palōmesi te nau tauhi ʻa e melinó pea foki ki honau fonuá. Koeʻuhí ko e fakatokanga ʻa e kaunangá kia Molonaí, naʻe kei malu ai ʻa e ngaahi kolo ʻo e kau Nīfaí.