ʻAlamā 59–62

Ko e ʻEikitau ko Molonaí mo Peiholani

Mālohi mei he ʻOtuá

Naʻe tau ʻa e kau Nīfaí mo e kau Leimaná. Naʻe hoko ʻa Molonai ko e ʻeikitau ʻo e ngaahi kongatau Nīfaí. Naʻe ʻikai ʻave ʻe he kau taki ʻo e kau Nīfaí ha kau sōtia pe meʻakai feʻunga. Naʻe ʻita ʻa Molonai peá ne fai ha tohi kia Peiholani, ko e taki ʻo e kau Nīfaí.

ʻAlamā 59:3–13; 60:1, 3–5

Naʻe fehuʻi ange ʻe Molonai kia Peiholani ʻi heʻene tohí pe ko e hā naʻe ʻikai ke ne fekauʻi mai ai ha tokoní. Naʻe fakakaukau ʻa Molonai naʻe ʻikai tokanga ʻa Peiholani ki he kakaí ka naʻá ne fiemaʻu pē ʻa e mālohí. Naʻe fiemaʻu ʻe Molonai ke tauʻatāina hono kakaí.

ʻAlamā 60

Naʻe loto-mamahi ʻa Peiholani ʻi he ʻikai ha tokoni ʻa e kau taú. Naʻá ne fie tokoni kia Molonai, ka naʻe ʻikai ke ne lava. Naʻe tauʻi ia ʻe ha niʻihi ʻo e kau Nīfaí.

ʻAlamā 61:1–4

Naʻe ui ʻa e kau Nīfai ko iá ko e kau tangata–tuʻí. Naʻa nau fiemaʻu ke maʻu ha mālohi maʻanautolu mo puleʻi ʻa e kakaí. Kuo nau faʻao ʻa e puleʻangá meia Peiholani.

ʻAlamā 51:5; 61:3–5, 8

Naʻe loto ʻa Peiholani ke hokohoko atu ʻene taki ʻa e kau Nīfaí koeʻuhí ke ne lava ʻo tokoniʻi kinautolu. Hangē ko Molonaí, naʻá ne fiemaʻu e kau Nīfaí ke nau muimui ki he ʻOtuá mo tauhi ʻenau tauʻatāiná. Naʻá ne fakaʻamu naʻe ʻikai fiemaʻu ia ke nau tau mo ha taha. Ka naʻá ne loto-fiemālie ke tau kapau ʻe tokoni ke maluʻi hono kakaí.

ʻAlamā 61:9–14, 19–20

Naʻe kole ʻe Peiholani ki he kau Nīfaí ke tokoniʻi ia ke nau tau ke maluʻi honau ngaahi fāmilí, ʻenau tauʻatāiná, mo ʻenau totonu ke moihū ki he ʻOtuá. Naʻá ne ʻiloʻi ʻe ʻiate kinautolu ʻa e Laumālie ʻo e ʻOtuá ʻi he taimi ʻoku nau fili ai ke tau koeʻuhí ko e meʻa ʻoku totonú. Naʻe haʻu ha kau Nīfai tokolahi ke tokoni kia Peiholani ke maluʻi honau fonuá.

ʻAlamā 61:5–7, 14–15

Naʻe fai ʻe Peiholani ha tohi kia Molonai. Naʻe ʻikai ke ne ʻita kia Molonai. Naʻá ne fakahā kia Molonai ʻa e meʻa kotoa pē naʻe hokó. Naʻá ne kole kia Molonai ke haʻu ʻo tokoniʻi ia ke ne tauʻi ʻa e kau tangata–tuʻí. Naʻe ʻiloʻi ʻe Peiholani kapau te nau muimui ki he ʻOtuá, naʻe ʻikai fiemaʻu ke nau ilifia. ʻE maluʻi mo tokoniʻi kinautolu ʻe he ʻOtuá.

ʻAlamā 61:9, 14–21

Naʻe fonu ʻa Molonai ʻi he ʻamanaki leleí koeʻuhí ko e tui ʻa Peiholaní. Ka naʻá ne loto-mamahi ʻi he tau ʻa ha kau Nīfai ʻe niʻihi mo honau kakaí pea ʻikai ke nau talangofua ki he ʻOtuá. Naʻe ʻave ʻe Molonai ha kau tau peá ne ʻalu ke tokoni kia Peiholani. Naʻá ne puke hake ʻa e fuka ʻo e tauʻatāiná ʻi he feituʻu kotoa pē naʻá ne ʻalu ki aí. Naʻe fakakaukau ha lauiafe ʻo e kau Nīfaí ke nau tau ke maluʻi ʻenau tauʻatāiná.

ʻAlamā 62:1–5

Naʻe ikunaʻi ʻe Molonai mo Peiholani ʻa e kau tangata–tuʻí ʻaki ʻena kau taú. Naʻe toe hoko ʻa Peiholani ko e taki ʻo e kau Nīfaí. Naʻe fekauʻi atu ʻe Molonai ha kau tangata tokolahi ke tokoni ki he kau tau Nīfaí. Naʻá ne ʻave foki mo e meʻakai ʻa e kau taú. Ko ʻeni kuo uouangataha ʻa e kau Nīfaí, naʻa nau ikuna ha ngaahi tau lahi. Naʻa nau ikunaʻi ha ngaahi kolo lahi ʻo e kau Nīfaí mei he kau Leimaná.

ʻAlamā 62:6–32