Sunday School: Doktrina sa Ebanghelyo
Leksyon 1: ‘Nga Unta Kamo Motuo nga si Jesus Mao ang Kristo’

Leksyon 1

“Nga Unta Kamo Motuo nga si Jesus Mao ang Kristo”

Isaias 61:1–3; Hubad ni Joseph Smith, Lucas 3:4–11; Juan 1:1–14, 20:31

  • Unsa ang atong makat-onan mahitungod kang Jesukristo gikan sa Juan 1:1–3, 14? (Bantayi nga “ang Pulong” sa Juan 1:1, 14 nagpasabut ngadto sa Manluluwas. Gamita ang Hubad ni Joseph Smith sa niini nga mga bersikulo kon anaa.)

  • Si Apostol Juan miingon nga “diha ni [Jesus] mao ang kinabuhi” (Juan 1:4). Siya usab mipamatuod nga si Jesus mao “ang tinuod nga Kahayag, diin mohayag sa matag tawo nga moabut sa kalibutan” (Juan 1:9). Sa unsa nga paagi nga ang Manluluwas mihatag kaninyo og kinabuhi ug kahayag?

  • Unsa nga mga panghitabo o mga panudlo diha sa Bag-ong Tugon labi nga nakapadasig o nakatabang kanimo? Sa unsa nga paagi nga ang pagtuon sa Bag-ong Tugon karong tuiga makatabang pagpalig-on sa imong pagpamatuod mahitungod kang Jesukristo?

Sugyot alang sa Panaghisgut sa Banay

Basaha ang Juan 1:1–3 o Hubad ni Joseph Smith, Juan 1:1–3. Ipatin-aw nga si Jesus (“ang Pulong” sa Juan 1:1–3) milalang sa yuta ubos sa pagdumala sa Langitnong Amahan. Panuroy isip usa ka banay, paghatag og igo nga pagpakabana sa daghang mga maanindot nga mga butang nga gilalang.

Kadena nga Kasulatan: Ang Gimando na Daan nga Misyon Ni Jesukristo