“Ang Imong Hugot nga Pagtuo Nakaluwas Kanimo”

Sa unsa nga paagi nga ang buta nga tawo nga duol sa Jerico mipakita nga siya adunay hugot nga pagtuo diha sa Ginoo? (Tan-awa sa Lucas 18:38–42.) Sa unsa nga paagi nga kamo napanalanginan samtang kamo nagpakita sa inyong hugot nga pagtuo kang Jesukristo?
Giunsa pagpakita ni Zaqueo sa iyang dako nga tinguha nga makakita ni Jesus? (Tan-awa sa Lucas 19:3–4.) Unsa ang gisulti ni Jesus ngadto ni Zaqueo human siya makakita kaniya diha sa kahoy? (Tan-awa sa Lucas 19:5.) Unsa ang gitubag ni Zaqueo sa mga pulong ni Jesus? (Tan-awa sa Lucas 19:6.) Unsa ang atong mabuhat aron pagdawat sa Manluluwas nga malipayon diha sa atong mga panimalay?
Unsa ang nakapadani kanimo mahitungod sa pagpamatuod ni Marta nga natala sa Juan 11:21–27?

Sugyot alang sa Panaghisgut sa Banay

Basaha ang Juan 11:1–46. Pangutan-a ang mga sakop sa banay sa unsa nga paagi nga kini nga taho mopahimo kanila nga mobati mahitungod sa Manluluwas. Balika pagtuon ang mga bersikulo sa tudling nga nagpakita sa hugot nga pagtuo ni Maria ug Marta ngadto kang Jesukristo. Hangyoa ang mga sakop sa banay sa pagpili og usa ka butang nga ilang mahimo aron sa pagpakita og labaw nga hugot nga pagtuo sa Manluluwas.