“Natapus Ko Na ang Akong Pagdalagan sa Lumba”

1 Timoteo 2 Timoteo; Tito

Ngano nga ang pipila ka mga tawo “kanunayng managtoon apan bisan unsaon dili gayud managpakakabot sa kahibalo sa kamatuoran”? (2 Timoteo 3:7). Unsaon nato sa pagsiguro nga ang atong pagtoon makapadangat kanato ngadto sa kahibalo sa kamatuoran? Sa unsa nga paagi ang pagkat-on sa tinuod nga mga doktrina sa ebanghelyo nakapanalangin sa imong kinabuhi?
Sa imong hunahuna unsa kaha ang gipasabut sa “pagkinabuhi ingon nga panig-ingnan alang sa mga magtotoo”? (1 Timoteo 4:12). Unsaon nimo nga mahimong usa ka panig-ingnan sa matag usa sa mga pamaagi nga gihisgutan diha sa 1 Timoteo 4:12? Sa unsa nga paagi ikaw naimpluwensya sa laing tawo kinsa “usa ka panig-ingnan alang sa mga magtotoo”?
Sa unsa nga paagi ang paghigugma sa salapi mao ang “gamut sa tanang pagkadautan”? (Tan-awa sa 1 Timoteo 6:7–10.) Unsaon nato sa pagsiguro nga kita dili mopunting pag-ayo diha sa salapi ug ubang materyal nga mga bahandi? (Tan-awa sa 1 Timoteo 6:17–19; Jacob 2:18–19.)

Sugyot alang sa Panaghisgut sa Banay

Pakita og pipila ka mga larawan, sama sa mga larawan gikan sa Sudlanan sa Hulagway sa Ebanghelyo o sa mga magasin sa Simbahan, nga naghulagway og pamilyar nga mga saysay sa kasulatan. Dayon pag-awit og pipila ka mga himno o mga kanta sa Primarya. Human sa pagtan-aw sa matag larawan ug pagkanta sa matag himno o awit, pangutan-a ang mga sakop sa banay sa pagsugyot og mga doktrina o mga panudlo, nga makahimo nga ipresentar ginamit ang larawan, himno, o awit.