“Ako Buta Kaniadto, Karon Ako Makakita Na”

Si Jesus miayo sa usa ka tawo kinsa natawo nga buta (Juan 9:1–7). Sa unsa nga paagi nga ang pagpamatuod sa naayo nga tawo mitubo samtang siya nagpadayon sa pagpaambit niini? (Tan-awa sa Juan 9:11, 17, 33, ug 38.) Sa unsa nga paagi nga ang imong pagpamatuod mitubo samtang ikaw nagpaambit niini?
Sa unsa nga paagi nga ang mga ginikanan sa tawo kinsa nabuta mitubag sa dihang ang mga Pariseo nangutana kanila mahitungod sa milagro? (Tan-awa sa Juan 9:18–23.) Ngano nga ang mga ginikanan mitubag sa niini nga paagi? (Tan-awa sa Juan 9:22.) Sa unsa nga paagi nga kita usahay sama sa mga ginikanan niini nga tawo? Sa unsa nga paagi nga kita mahimong labaw nga magmaisugon sa atong mga pagpamatuod?
Sa paghisgut ni Jesus mahitungod sa magbalantay sa mga karnero ug sa iyang mga karnero, kinsa ang gipasabut nga mao ang mga karnero? (Tan-awa sa Juan 10:4, 27.) Kinsa ang magbalantay sa mga karnero? (Tan-awa sa Juan 10:11.) Unsa ang uban nga mga hiyas sa maayong magbalantay? (Tan-awa sa Juan 10:3–4, 7, 9–15.) Sa unsa nga paagi nga si Jesus mao ang hingpit nga panig-ingnan sa usa ka magbalantay sa mga karnero?

Sugyot alang sa Panaghisgut sa Banay

Basaha sa Juan 9:1–38, paghangyo sa mga sakop sa banay sa pagpangita og mga pamaagi ang Manluluwas mitabang sa buta nga tawo nga makakita sa pisikal ug sa espirituhanon. Tukia unsaon nga ang espirituhanong pagkakita ug pisikal nga pagkakita susama ug managlahi. Hangyoa ang mga sakop sa banay sa paghisgut og mga pamaagi nga sila makapataas sa ilang abilidad nga “makakita” sa mga kamatuoran sa ebanghelyo.