“Paghupot sa mga Ordinansa, Ingon nga Ako Nagbilin Kaninyo”

Unsa ang gipasabut sa “ni ang lalaki gawas sa babaye, ni ang babaye gawas sa lalaki, diha sa Ginoo”? (1 Mga Taga-Corinto 11:11). Ngano nga ang pakigrelasyon sa bana ug asawa mahinungdanon kaayo diha sa gingharian sa Dios? Unsa ang gitudlo niini kanato mahitungod kon unsaon sa mga bana ug mga asawa pagtagad sa usag usa?
Sumala ni Pablo, unsa ang mga katuyoan sa sakramento? (Tan-awa sa 1 Mga Taga-Corinto 11:23–26; tan-awa usab sa Lucas 22:19–20.) Ngano nga ang pagsusi sa atong pagkatakus usa ka mahinungdanon nga bahin sa sakramento?
Ang mga kasulatan nagtambag kanato sa pagtinguha sa espirituhanon nga mga gasa (1 Mga Taga-Corinto 12:31; D&P 46:8). Unsa gayud ang atong mga katarungan sa pagtinguha sa espirituhanon nga mga gasa? (Tan-awa sa 1 Mga Taga-Corinto 14:12; D&P 46:9.)
Unsa ang gitudlo ni Pablo mahitungod sa mga gingharian sa himaya? (Tan-awa sa 1 Mga Taga-Corinto 15:35–44; tan-awa usab sa D&P 88:27–32.) Sa unsa nga paagi nga ang imong kahibalo sa Pagkabanhaw ug sa mga gingharian sa himaya makaimpluwensya sa paagi sa imong pagpuyo?

Sugyot alang sa Panaghisgut sa Banay

Basaha ang pipila ka mga tudling diha sa kadena nga kasulatan sa niini nga seksyon. Dayon tukia ang mga pangutana nga anaa sa ika-tulo nga parapo sa niini nga seksyon. Pakomentaryoha ang mga sakop sa banay mahitungod sa espirituhanon nga mga gasa nga ilang makita sa matag usa nga makatabang sa pagpalig-on sa banay isip usa. Tabangi ang matag sakop sa banay nga makahibalo nga siya mahinungdanon nga kabahin sa banay.