“Alang Niini nga Katuyoan Ako Nagpakatawo”

Mateo 26:47–27:66; Marcos 14:43–15:39; Lucas 22:47–23:56; Juan 18–19

Unsa ang gibuhat ni Pedro sa dihang ang mga tawo sa gawas sa palasyo ni Caifas miingon nga siya nakaila ni Jesus? (Tan-awa sa Mateo 26:69–75; tan-awa usab ang bersikulo 34.) Sa unsa nga paagi nga ang pipila kanato, sama ni Pedro, usahay molimud sa atong hugot nga pagtuo? Unsa ang atong makat-onan gikan sa kinabuhi ni Pedro human siya milimud sa Ginoo?
Unsa ang imong gibati sa dihang ikaw namalandong sa mga pag-antus sa Manluluwas alang kanimo? Unsaon nimo pagpakita og pagpasalamat alang sa pag-ula? ( Samtang ikaw mamalandong niini nga mga pangutana, ikaw mahimong motala sa imong mga hunahuna diha sa imong inadlaw nga talaan.)

Sugyot alang sa Panaghisgut sa Banay

Hisguti ang mosunod nga mga tawo nga gihisgutan diha sa saysay sa kamatayon ug paglubong ni Jesus sa kasulatan. Pangutan-a ang mga sakop sa banay unsa ang ilang mahinumduman kabahin sa matag tawo o grupo sa mga tawo.

Jesukristo	Duha ka mga tulisan
Pilato	Mga tigbugalbugal
Simon nga taga-Cirene	Juan ang Hinigugma
Mga sundalo	Centurion
Jose nga taga-Arimatea	Maria, ang inahan ni Jesus