“Magpasig-uli Kamo Ngadto sa Dios”

2 Mga Taga-Corinto

Ngano nga si Pablo ug si Timoteo nakabuntog sa ka walay paglaum bisan pa nga sila gisamok, gisakit, gigukod, ug gidaug-daug? (Tan-awa sa 2 Mga Taga-Corinto 1:3–5; 4:5–15.) Sa unsa nga paagi nga ang Langitnong Amahan ug si Jesukristo nakatabang kanimo panahon sa kalisdanan?
Si Pablo mitambag sa mga Santos sa pagpasaylo sa usag usa (2 Mga Taga-Corinto 2:5–8). Ngano nga mahinungdanon nga kita mopasaylo sa uban? (Tan-awa sa Mateo 6:14–15; 2 Mga Taga-Corinto 2:7–8; D&P 64:9–10.) Unsa ang atong mabuhat aron mahimong labaw nga mapasayloon?
Unsa ang gipasabut sa pagbaton og “diosnong kasubo” alang sa atong mga sala? (2 Mga Taga-Corinto 7:9–10.) Ngano nga ang diosnong kasubo usa ka mahinungdanon nga bahin sa paghinulsol?

Sugyot alang sa Panaghisgut sa Banay

Basaha ang 2 Mga Taga-Corinto 1:3–4, paghatag og igong gibug-aton sa mga paningkamut ni Pablo sa paghupay sa uban “pinaagi sa kalipay nga pinaagi niini kami ginalipay sa Dios.”

Pagpahigayon sa pagbisita og usa ka lokal nga hospital, balay-pasilonganan o sentro sa panglawas. Tabang sa pagpakaon, paglingaw sa mga pumupuyo, o pag-amot og pagkaon, mga saput, o ubang mga gikinahanglan.