“Mahimo Ko ang Tanang Butang pinaagi ni Kristo”

Mga Taga-Filipos; Mga Taga-Colosas; Felimon

Unsaon nato paggamit sa tambag ni Pablo diha sa Mga Taga-Filipos 4:8? (Tan-awa usab ang Mga Artikulo sa Hugot nga Pagtuo 1:13.) Sa unsa nga paagi kita mapanalanginan kon kita mosunod niini nga tambag?
Unsa ang ipasabut sa “dili matarug ug malig-on” diha sa Maayong Balita? (Tan-awa sa Mga Taga-Colosas 1:23.) Unsay hinungdan sa pipila ka mga tawo nga “mahibulag sa paglaum sa Maayong Balita”? (Mga Taga-Colosas 1:23). Unsay imong mahimo aron mapalig-on ang imong pamatuod.
Si Pablo mibalikbalik sa pagpasabut sa kamahinungdanon nga mahimong mapasalamaton (Mga Taga-Colosas 2:7; 3:15, 17). Ngano nga mahinungdanon man nga mahimong mapasalamaton? Unsaon nimo pagpakita og pasalamat ngadto sa Langitnong Amahan ug sa Manluluwas?

Sugyot alang sa Panaghisgut sa Banay

Isulat ang ika-napulog tulo nga artikulo sa hugot nga pagtuo nganha sa pisara, sa cartolina, o sa piraso nga papel. Ipabasa og dungan sa banay ang tudling sa makadaghan. Sa matag higayon nga ang tudling pagabasahon, taboni o papasa ang usa ka mahinungdanong pulong. Padayona ang mga sakop sa banay sa pagbalik-balik sa pagbasa hangtud ila na nga mamemorya kini.

Kadena nga Kasulatan: “Ang Tambag ni Pablo”

Ginamit ang Giya ngadto sa mga Kasulatan, dugangi ang kadena nga kasulatan pinaagi sa pagpangita og usa ka kasulatan alang sa matag mosunod nga mga pulong: kamatuoran, pagkamatinuoron, pagkaputli, kaputli, pagkamaayo og buot, ug hiyas.