“Ang Magamadaugon Makapanag-iya Niining Maong Panulondon”

Aron sa pagbaton og labawng pagsabut niini nga mga kapitulo, tan-awa ang mga sinulat sa ubos sa panid ug Hubad ni Joseph Smith, Pinadayag 1:1–8; Pinadayag 2:26–27; 12:1–17.

Unsa ang migula sa baba sa Manluluwas diha sa panan-awon ni Juan? (Tan-awa sa Pinadayag 1:16.) Unsa ang girepresentar niini nga espada? (Tan-awa sa D&P 6:2.) Sa unsa nga mga paagi nga ang pulong sa Ginoo susama sa usa ka espada? (Tan-awa sa Mga Hebreohanon 4:12; Helaman 3:29.)
Sa panan-awon ni Juan, unsa ang gisaad sa Ginoo niadtong kinsa magmadaugon sa mga pagsulay ug mga tintasyon sa pagkamortal? (Tan-awa ang kadena nga kasulatan niini nga seksyon.)
Unsaon sa Simbahan ug gingharian sa Dios sa katapusan malupig si Satanas? (Tan-awa sa Pinadayag 12:11.) Sa unsa nga paagi nga ang Pag-ula ni Kristo ug ang imong pagpamatuod niini makatabang kanimo sa imong kaugalingong panlimbasog batok ni Satanas?

Sugyot alang sa Panaghisgut sa Banay

Basaha ang Pinadayag 6:12–14 ug Pinadayag 16:18–21, ug ipasabut nga kini nga mga tudling gahulagway sa mga butang nga nakita ni Juan sa iyang panan-awon sa katapusang mga adlaw. Dayon ipasabut nga bisan tuod pipila sa mga panagna diha sa basahon sa Pinadayag makahahadlok, ubang mga panagna diha sa basahon sa Pinadayag makahatag kanato og paglaum ug makatabang kanato nga dili mahadlok atol sa malisud nga mga panahon. Pagbasa og pipila ka mga tudling gikan sa kadena nga kasulatan sa niini nga seksyon aron sa pagpangita niadtong mga mensahe sa paglaum.