“Dili ang Akong Pagbuot Maoy Matuman, Kon Dili ang Imo”

Mateo 26:36–46; Marcos 14:32–42; Lucas 22:39–46

Ngano nga si Jesus andam motahan ngadto sa dakong pag-antus nga siya nahibalo nga iyang masinati sa Tanaman sa Getsemani? (Tan-awa sa Mateo 26:39, 42, 44.) Unsa ang atong makat-unan gikan sa pagampo sa Manluluwas diha sa Getsemani? Sa unsa nga paagi nga kamo napanalanginan sa diha nga kamo mitahan ngadto sa kabubuton sa Langitnong Amahan?
Unsa ang nasinati sa Manluluwas diha sa Getsemani? (Tan-awa sa D&P 19:16–19; Lucas 22:44; Mosiah 3:7; Alma 7:11–13.)
Ngano nga kita nagkinahanglan sa Pag-ula ni Jesukristo? (Tan-awa sa 1 Nephi 10:21; 2 Nephi 2:5–9; Alma 34:9; Moises 6:48) Unsa nga mga panalangin ang maanaa kanato tungod sa matubsanon nga sakripisyo sa Manluluwas? (tan-awa sa Mosiah 16:7–8; Alma 7:11–13; D&P 19:23.) Unsaon nato sa pagdawat niini nga mga panalangin? (Tan-awa sa Alma 7:14; Mga Artikulo sa Hugot nga Pagtuo 1:3.)

Sugyot alang sa Panaghisgut sa Banay

Pakita og litrato nga Si Jesus Nag-ampo sa Getsemani ( Sudlanan sa Hulagway sa Ebanghelyo 227). Basaha ang saysay ni Jesus sa Getsemani, nga makita sa Mateo 26:36–46, Lucas 22:39–46, o Doktrina ug mga Pakigsaad 19:16–19. Dapita ang matag sakop sa banay sa pagpaambit sa iyang mga pagbati mahitungod sa Pag-ula ni Jesukristo.