Sunday School: Doktrina sa Ebanghelyo
Leksyon 5: ‘Pagpakatawo Pag-usab’

Leksyon 5

“Pagpakatawo Pag-usab”

Juan 3–4

  • Si Jesus miingon kang Nicodemo nga “gawas kon ang tawo igaanak pag-usab, dili siya makakita sa gingharian sa Dios” (Juan 3:3). Unsay ipasabut sa pagpakatawo pag-usab? (Tan-awa ang kadena nga kasulatan sa ini nga seksyon.)

  • Basaha ug pamalandongi ang Alma 5:14–31 ingon nga si Alma nakigsulti kanimo. Unsay imong kinahanglan nga buhaton sa personal aron mamahimo “sa espirituhanon nga paagi matawo sa Dios”? (Alma 5:14).

  • Si Jesus miingon ngadto sa babaye nga taga-Samaria nga siya makahatag kaniya og “buhi nga tubig” (Juan 4:10). Unsa kaha alang kanimo ang gipasabut sa “buhi nga tubig”? (Tan-awa sa 1 Nephi 11:25; D&P 63:23.) Unsaon nato pag-angkon og buhi nga tubig? Sa unsa nga paagi kining buhing tubig nakapanalangin kanimo?

Sugyot alang sa Panaghisgut sa Banay

Hatagi ang matag sakop sa banay og baso. Butangi og tubig ang matag baso, ug dapita ang mga sakop sa banay sa pag-inom sa tubig. Pangutana ang mga sakop sa banay kon sa hunahuna nila magkinahanglan pa sila moinum og laing tubig. Dayon basaha ang Juan 4:1–15, ug tuki-a ang mga pangutana diha sa ikatulo nga parapo sa niini nga seksyon. Ipamatuod nga kon kita moduol ngadto kang Kristo ug mopuyo sa iyang ebanghelyo, kita makadawat og “kinabuhing dayon” (Juan 4:14).

Kadena nga Kasulatan: Pagpakatawo Pag-usab”