“Kita mao ang mga Saksi”

Sa unsa nga paagi nga ang gasa sa Espiritu Santo nakatabang sa mga Apostoles sa ilang kapangakohan aron mahimong mga saksi ni Jesukristo? (Tan-awa sa Juan 15:26–27; 1 Mga Taga-Corinto 12:3.) Unsa ang papel sa Espiritu Santo diha sa atong pagpaningkamot sa pagtudlo sa ebanghelyo? (Tan-awa sa 2 Nephi 33:1; D&P 42:14.)
Sa unsa nga paagi si Pedro mitubag niadtong kinsa mibugalbugal sa mga Apostoles tungod sa pagsulti sa daghan nga mga pinulongan? (Tan-awa sa Mga Buhat 2:14–24, 36.) Unsa ang nakapadani kaninyo sa tubag ni Pedro? Ngano nga mahinungdanon nga magbaton og pagpamatuod ni Jesukristo ug sa iyang balaan nga misyon? Sa unsa nga paagi nga ang Espiritu Santo makatabang kanato sa pagpaambit sa atong mga pagpamatuod?
Si Pedro migamit og milagro isip usa ka kahigayunan sa pagpamatuod kang Jesukristo (Mga Buhat 3:12–26; 4:5–12). Unsa nga mga kahigayunan ang anaa kanimo aron makapamatuod ni Kristo? Sa unsa nga paagi nga ikaw napanalanginan samtang ikaw nahimong usa ka saksi (o nakadungog sa uban nga nahimong mga saksi) ni Jesukristo?

Sugyot alang sa Panaghisgut sa Banay

Basaha ang Mosiah 18:8–9, paghatag og igong pagtagad ngadto sa panudlo nga “mobarug isip mga saksi sa Dios sa tanang panahon ug sa tanang butang, ug sa tanang mga dapit. Pangutan-a ang mga sakop sa banay unsaon nila sa pagsunod niini nga panudlo. Ipasaysay sa usa ka sakop sa banay ang usa ka kasinatian nga iyang naagian isip usa ka saksi ni Jesukristo ug sa iyang ebanghelyo. Awhaga ang mga sakop sa banay nga mahimong mga saksi sa Manluluwas diha sa mga butang nga ilang isulti ug buhaton atol sa umaabut nga semana.