“Ikaw Nagpamatuod Kanako”

Si Pablo mipakita og dakong kaisog pinaagi sa pagsulti sa naglagot nga mga tawo didto sa Jerusalem sa sugilanon sa iyang pagkakabig ug sa iyang panan-awon kang Jesukristo (Mga Buhat 21:27–22:21). Kanus-a ba ikaw nakapadayag sa imong pamatuod diha sa sitwasyon nga nagkinanglan og kaisog? Giunsa nimo pag-angkon og kaisog sa pagbuhat niini? Sa unsa nga paagi nga ang pagkat-on mahitungod sa mga gipangbuhat ni Pablo makatabang kanimo nga makabaton og dugang kaisog sa pagpakigbahin sa imong pamatuod ngadto sa uban.
Unsay nahitabo sa dihang ang kapitan sa barko nga naglawig gikan sa Mga Maayong Dunggoanan misalikway sa pahimangno ni Pablo nga dilikado kaayo nga molawig. (Tan-awa sa Mga Buhat 27:7–20.) Unsay nakapaaghat sa centurion sa dili pagpanumbaling sa tambag ni Pablo? (Tan-awa sa Mga Buhat 27:11–12.) Ngano nga ang pipila kanato usahay dili manumbaling sa tambag sa atong mga pangulo sa Simbahan? Sa unsa nga paagi ikaw nakakat-on sa kamahinungdanon sa pagsunod sa tambag sa mga pangulo sa Simbahan?

Sugyot alang sa Panaghisgut sa Banay

Hangyoa ang mga sakop sa banay sa paghunahuna og tawo kansang binuhatan nakapadasig kanila o nakahatag kanila og kaisog. Paistoryaha sila mahitungod sa kinsa ang ilang nahunahunaan ug nganong ilang gipili kadtong mga tawhana.