“Relihiyon nga Putli”

Santiago

Unsa nga tambag ang gihatag ni Santiago ngadto niadtong kinsa “nakulangan sa kaalam”? (Tan-awa sa Santiago 1:5–6.) Sa unsa nga paagi si Propeta Joseph Smith naimpluwensya pinaagi niini nga tambag? (Tan-awa sa Joseph Smith— Kasaysayan 1:11–13.) Unsa nga mga kasinatian ang imong nasinati kabahin sa pagdawat og mga tubag sa pag-ampo?
Si Santiago nagtudlo nga kita kinahanglan “magmaabtik sa pagpanimati, magmahinay sa pagsulti” (Santiago 1:19). Unsa nga mga kasinatian sa imong kinabuhi nakakompermar sa kaalam niini nga tambag?
Unsa ang gihatagan og gibug-aton ni Santiago nga ato gayud nga pagabuhaton aron makapuyo og relihiyon nga putli? (Tan-awa sa Santiago 1:27.) Ngano kaha sa imong hunahuna nga ang pagbisita ug pagtabang sa mga tawo nga nagkinahanglan kabahin sa relihiyon nga putli? Unsa ang imong mahimo aron nga magpabilin nga “dili mahugawan sa kalibutan”?

Sugyot alang sa Panaghisgut sa Banay

Si Santiago miingon nga kabahin sa pagtuman sa “relihiyon nga putli” mao ang paghimo sa atong mga kaugalingon nga “dili mahugawan sa kalibutan” (Santiago 1:27). Hisguti nga sa unsa nga paagi kini nga panudlo maka-apektar sa atong inadlaw nga mga desisyon. Sa inyong panaghisgut ikaw mahimong buot nga modangup ngadto sa gamay nga basahon nga Alang sa Kalig-on sa mga Batan-on (34285), nga naglangkub sa tambag gikan sa Unang Kapangulohan mahitungod unsaon nato nga “dili mahugawan sa kalibutan.”