“Ug Tungod Niini ang mga Simbahan Nalig-on diha sa Hugot nga Pagtuo”

Mga Buhat 15:36–18:22; 1 Mga Taga-Tesalonica ug 2 Mga Taga-Tesalonica

Giunsa sa mga katawhan nga anaa sa sinagoga sa Berea pagdawat sa mga panudlo ni Pablo? (Tan-awa sa Mga Buhat 17:10–12.) Unsaon nimo pagpalambo og usa ka “bug-os nga pagkamasinabuton” alang sa pagkaton sa ebanghelyo?
Unsa ang gitudlo ni Pablo sa mga Taga-Atenas mahitungod sa Dios? (Tan-awa sa Mga Buhat 17:22–31; tan-awa usab ang Hubad ni Joseph Smith sa Mga Buhat 17:27 diha sa sinulat ubos sa panid [footnote] 27b.) Nganong mahinungdanon man nga mahibalo nga “kita mga anak sa [Dios]”? (Mga Buhat 17:28). Sa unsa nga paagi nga ang pagsabut sa tinuod nga kinaiyahan sa Dios ug sa iyang buhat ingon nga atong Amahan makatabang kanato sa paghigugma ug sa pagsimba kaniya?
Unsa ang gitudlo ni Pablo diha sa 1 Mga Taga-Tesalonica 1:5, 1 Mga Taga-Tesalonica 2:2–12 mahitungod kon unsaon pagtudlo ang ebanghelyo ngadto sa uban? Sa unsa nga paagi nga ang pagsunod niini nga mga baruganan nakatabang kanimo sa pagtudlo sa ebanghelyo?

Sugyot alang sa Panaghisgut sa Banay

Paghimo og mga plano sa pagdapit sa full-time nga mga misyonaryo sa inyong lugar ngadto sa inyong panimalay alang sa panihapon. Hangyoa sila sa pagpaambit sa ilang mga pagbati mahitungod sa kamahinungdanon sa misyonaryo nga buhat ug sa paghisgut kabahin giunsa nila pag-andam aron sa pag-alagad isip full-time nga mga misyonaryo.

Isip kabahin niini nga panaghisgut, kamo mahimong buot nga manganta og “Called to Serve”.