Leksyon 11
“Ug Iyang Gisuginlan Sila sa Daghang mga Butang Pinaagi sa mga Sambingay”
-
Unsa ang buot ipasabut sa sambingay sa magpupugas? (Tan-awa sa Mateo 13:3–8, 18–23.) Ngano sa imong hunahuna nga ang sambingay labaw nga nagpunting diha sa yuta kay sa magpupugas o sa liso?
-
Unsa nga pagdapit ang gihimo ni Jesus human siya mipadayag sa sambingay sa magpupugas? (Tan-awa sa Mateo 13:9.) Unsa sa imong hunahuna ang gipasabut sa pulong dungog niini nga pagdapit? Unsa ang gipasabut sa motan-aw apan wala makakita ug maminaw apan wala makadungog? (Tan-awa sa Mateo 13:13–15.)
-
Si Propeta Joseph Smith mitudlo nga ang mga sambingay sa liso sa mustasa ug sa igpapatubo mahitungod sa Ang Simbahan ni Jesukristo sa mga Santos sa Ulahing mga Adlaw (Teachings of the Prophet Joseph Smith, sel. Joseph Fielding Smith [1976], 98–100). Sa unsa nga paagi imong nakit-an ang buluhaton sa Dios nga mitubo ingon sa gihulagway niini nga mga sambingay?
Sugyot alang sa Panaghisgut sa Banay
Kuha og 14 ka mga gagmay nga mga piraso nga papel. Sa matag piraso nga papel isulat ang usa sa mga mosunod nga mga pulong, nga may labut ngadto sa sambingay sa trigo ug ang mga bunglayon: (1) ang magpupugas, (2) ang Ginoo ug ang iyang mga Apostoles, (3) ang maayong liso, (4) ang mga matarung nga mgasakop sa Simbahan, (5) ang umahan, (6) ang kalibutan, (7) ang mga bunglayon, (8) ang dautan, (9) ang kaaway, (10) ang yawa, (11) ang ani, (12) ang katapusan sa kalibutan, (13) ang mga mag-aani, ug (14) ang mga anghel. Sa pagtuon pagusab sa sambingay sa trigo ug ang mga bunglayon, sagol-sagula ang mga piraso nga papel. Ipahimo sa mga sakop sa banay sa pagparis-paris sa mga tawo, mga butang, ug mga aksyon nga anaa sa sambingay uban sa ilang mga buot ipasabut. Ikaw mahimong mobasa sa Mateo 13:24–30, 36–43 ug Doktrina ug mga Pakigsaad 86:1–7 sa pagpahigayon nimo niini nga panaghisgut.