“Ang Dios Gugma”

1 Juan, 2 Juan, ug 3 Juan

Unsa nga pulong ang gigamit ni Juan sa paghulagway sa Langitnong Amahan diha sa 1 Juan 4:8, 16? Ngano kini tukma nga pulong?
Basaha ang 1 Juan 4:9–10. Unsa nga pagpakita sa gugma sa Dios ang gihisgutan ni Juan niini nga mga bersikulo? (Tan-awa usab sa Juan 3:16; 1 Juan 5:11; 2 Nephi 9:10.) Sa unsa nga paagi nga ang pagpadala sa iyang Anak aron sa pag-ula sa dugo alang sa atong mga sala nagapakita sa gugma sa Langitnong Amahan alang kanato?
Si Juan mitudlo nga ang Langitnong Amahan motubag sa atong mga pag-ampo kon kita mangamuyo sumala sa Iyang kabubut-on (1 Juan 5:14–15). Sa unsa nga paagi nga ang pag-ampo nakatabang kanimo nga mabati ang gugma sa Langitnong Amahan?
Giunsa paghulagway ni Juan niadtong kinsa miangkon nga sila nahigugma sa Dios apan wala “maghigugma sa isig ka usa”? (Tan-awa ang 1 Juan 2:9, 11; 3:14–15, 17; 4:20.) Ngano nga ang atong gugma alang sa uban usa ka sukdanan sa atong gugma sa Dios?
Ngano nga ang mga ginikanan makaangkon og tumang kalipay kon ilang “madungog nga [ang ilang] mga anak magalakaw diha sa kamatuoran”? (3 Juan 1:4).

Sugyot alang sa Panaghisgut sa Banay

Sultihi ang mga sakop sa banay nga kuyog kamong manlakaw aron maghiusa sa pagpanuhid. Dayon panlakaw o panakay kamo, mangita og mga butang nga makatabang sa mga sakop sa banay nga makakita nga ang Langitnong Amahan ug si Jesukristo nagahigugma kanila. Kon ang usa ka sakop sa banay makakita og butang nga nagapakita sa gugma sa Langitnong Amahan ug ni Jesukristo, isulat kini. Kon mahuman na ninyo ang pagpanuhid, basaha ang lista nga imong nahimo uban sa tanan.