Sunday School: Doktrina sa Ebanghelyo
Leksyon 6: ‘Diha-diha Gibiyaan ang Ilang mga Laya’

Leksyon 6

“Diha-diha Gibiyaan ang Ilang mga Laya”

Lucas 4:14–32; 5; 6:12–16; Mateo 10

  • Ngano nga mahinungdanon nga si Jesus motawag og mga Apostoles? (Tan-awa sa Mateo 9:36– 38; 16:19; Marcos 3:14–15; Juan 20:19–21, 23; Mga Taga-Efeso 4:11–15.) Ngano nga mahinungdanon nga ang Ginoo mitawag og mga Apostoles karon?

  • Unsay imong nakat-onan mahitungod sa mga gahum ug mga kapangakohan sa mga Apostoles gikan sa tambag ni Jesus diha sa Mateo 10? Sa unsa nga paagi nga imong makitan ang mga ulahing mga adlaw nga mga Apostoles nagtuman niini nga mga kapangakohan?

  • Sa unsa nga paagi nga ikaw napanalanginan sa pagsunod sa tambag sa usa ka apostol?

Sugyot alang sa Panaghisgut sa Banay

Ipakita ang tsart sa Kinatibuk-ang mga Kadagkoan gikan sa pinaka bag-o nga isyu sa komperensya sa magasin sa Simbahan sa inyong lugar. Tabangi ang mga sakop sa banay pag-ila ug pagkat-on sa mga pangalan sa mga sakop sa Unang Kapangulohan ug ang Korum sa Napulog Duha ka mga Apostoles. Ipakigbahin ang imong mga pagbati kabahin sa panalangin nga madumala pinaagi sa mga propeta ug mga apostoles.

Kadena nga Kasulatan: Ang Balaang Tawag sa usa ka Apostol