“Usa ka Pinili nga Kaliwatan”

1 Pedro ug 2 Pedro; Judas

Unsa ang atong mahimo aron sa pagsunod sa panig-ingnan sa Manluluwas sa pagtubag sa mga pagsulay ug mga pagpanggukod? (Tan-awa sa 1 Pedro 2:19–23.) Unsa nga mga panig-ingnan ang imong nakita sa mga tawo kinsa managsama ni Kristo sa paglahutay sa mga pagsulay? Sa unsa nga paagi kita mapanalanginan samtang kita mosunod sa panig-ingnan sa Manluluwas sa pagtubag og mga pagsulay?
Unsa nga mga hiyas ang gihulagway ni Pedro nga kabahin sa diosnong kinaiya? (Tan-awa sa 2 Pedro 1:4–7.) Ngano nga mahinungdanon man nga kita mopalambo niini nga mga hiyas? (Tan-awa sa 2 Pedro 1:8.) Sa unsa nga paagi imong nakita kini nga mga hiyas gipakita sa uban?
Si Pedro ug Judas mipasidaan nga adunay mini nga mga magtutudlo uban sa mga sakop sa Simbahan. Unsa ang ilang giingon nga pipila ka mga timailhan sa mini nga mga magtutudlo? (Tan-awa sa 2 Pedro 2:1–3, 10, 12–19; Judas 1:4, 8, 10–13, 16, 18–19.) Unsa nga tambag ang gihatag ni Pedro ug Judas nga makatabang kanato nga malikay sa mini nga mga panudlo ug magpabilin nga matinud-anon samtang kita mangandam alang sa Ikaduhang Pag-anhi? (Tan-awa sa 2 Pedro 3:11–14, 17–18; Judas 1:3, 20–21; tan-awa usab sa Moroni 7:12–17; D&P 45:57; 46:7–8.)

Sugyot alang sa Panaghisgut sa Banay

Pagpili og usa ka resipe alang sa salosalo nga duyog ninyong pagaandamon. Samtang ang mga sakop sa banay magasubay sa resipe, hisguti nganong mahinungdanon nga maanaa ang tanang mga sagol sa resipe. Kon ikaw mahuman na, basaha ang 2 Pedro 1:4–8. Hisguti ngano nga ang matag hiyas sa diosnong kinaiya mahinungdanon aron kita mahimong sama sa Langitnong Amahan ug ni Jesukristo.