“Siya Nawala, ug Siya Hingkaplagan Na”

Unsa ang imong makat-onan gikan sa mga panglihok sa magbalantay sa mga karnero diha sa sambingay sa nawala nga karnero ug sa babaye sa sambingay sa usa ka pirasong pilak? (Tan-awa sa D&P 18:10–13.) Sa unsa nga paagi nga ang usa ka tawo “mawala”? Unsa ang atong kapangakohan ngadto kanila kinsa nawala? (Tan-awa sa Lucas 15:4–5, 8; Alma 31:34–35.)
Diha sa sambingay sa anak nga usikan, unsa ang gibuhat sa amahan sa dihang siya nakakita sa iyang anak nga mibalik? (Tan-awa sa Lucas 15:20.) Giunsa sa amahan pagtubag sa kumpisal sa iyang anak? (Tan-awa sa Lucas 15:21–24.) Sa unsa nga paagi nga ang tubag sa amahan sama sa tubag sa Ginoo kon kita maghinulsol? (Tan-awa sa Lucas 15:7; Mosiah 26:30; D&P 58:42.)

Sugyot alang sa Panaghisgut sa Banay

Balika pagtuon ang sugilanon ni Jesus nga nag-ayo sa napulo ka mga sanlahon (Lucas 17:11–19). Paghisgut og pipila ka mga rason nga kita, sama sa siyam ka mga sanlahon, dili kanunay mopadayag og pagpasalamat ngadto sa Ginoo. Paghisgut mahitungod sa mga butang nga mahimo natong buhaton aron mas makapadayag kita og pagpasalamat ngadto sa Ginoo matag adlaw.

Isip kabahin niini nga panaghisgut sa banay, kamo mahimong buot nga manganta sa “Ako Nagbarug nga Nahibulong” (Baruganan sa Ebanghelyo, p. 334).