“Ang Dios Walay Pinalabi sa mga Tawo”

Giunsa pagtagad sa pipila ka mga sakop sa Simbahan sa dihang sila nakadungog nga si Pedro nagpunay pagtudlo sa ebanghelyo ngadto sa mga Hentil? (Tan-awa sa Mga Buhat 11:1–3.) Unsa ang atong angay buhaton kun kita makadawat og bag-ong mga panudlo gikan sa atong mga pangulo sa Simbahan, bisan pa kon sa sinugdanan kita wala makauyon sa mga panudlo o tan-aw nato malisud sabton? (Tan-awa sa Juan 7:17; 2 Nephi 28:30; D&P 6:11,14–15.)
Unsa ang gipasabut sa tawag nila ni Saulo ug ni Bernabe mahitungod kon sa unsa nga paagi nga ang mga sakop sa Simbahan gitawag aron sa pag-alagad sa Dios? (Tan-awa sa Mga Buhat 13:1–3.) Unsa nga mga kasinatian ang nakatabang kanimo nga mahibalo nga ang mga tawag sa Simbahan dinasig pinaagi sa Espiritu?
Sila si Pablo ug Bernabe namalik ngadto sa mga dakbayan diin sila nakatukod og mga sanga sa Simbahan aron sa pagtabang sa mga Santos “sa pagpadayon diha sa hugot nga pagtuo” (Mga Buhat 14:22; tan-awa usab sa mga bersikulo 14:21 ug mga bersikulo 14:23). Unsay imong mahimo aron sa pag-abag sa mga bag-o nga mga sakop sa inyong purok o sanga?

Sugyot alang sa Panaghisgut sa Banay

Tukia ang mga kasinatian nila ni Saulo ug Bernabe isip mga misyonaryo (Mga Buhat 13–14). Paambit sa imong mga kasinatian isip usa ka full-time nga misyonaryo, o pagdapit og usa ka nahiuli na nga misyonaryo sa pagpaambit sa iyang mga kasinatian sa misyon. Hisguti unsaon ang mga kasinatian nila ni Saulo ug Bernabe susama sa mga kasinatian sa karon nga mga misyonaryo. Isip usa ka banay, pagsulat og sulat ngadto sa usa ka misyonaryo. Isip kabahin sa ampo sa banay, hangyoa ang Langitnong Amahan nga panalanginan ug panalipdan ang mga misyonaryo.