“Kamo Mao ang Templo sa Dios”

Unsa nga suliran ang gisulti ni Pablo diha sa 1 Mga Taga-Corinto 1:10–13? Sa unsa nga paagi nga ang panagbahin ug panagbingkil makaapekto sa atong panag-uban ingon nga mga tinun-an ni Kristo? (Tan-awa sa Mosiah 18:21–22; 3 Nephi 11:29–30; D&P 38:27.) Unsa ang gitambag ni Pablo ngadto sa mga Santos nga buhaton aron mahimong labaw nga magkahiusa? (Tan-awa sa 1 Mga Taga-Corinto 1:10.)
Si Pablo mitudlo nga ang kaalam sa Dios “mopakaboang” sa kaalam sa kalibutan (1 Mga Taga-Corinto 1:18–21). Sa unsa nga paagi nga ang kaalam sa Dios lahi gikan sa kaalam sa kalibutan? (Tan-awa sa Isaias 55:8–9; D&P 38:1–2.) Unsa ang pipila ka mga ehemplo sa kaalam sa Dios nga mipakabuang sa kaalam sa kalibutan?. Unsaon nato pagkahibalo sa “mga butang sa Dios”? (Tan-awa sa 1 Mga Taga-Corinto 2:10–13.)
Unsa ang gikomparar ni Pablo sa atong mga lawas? (Tan-awa sa 1 Mga Taga-Corinto 3:16–17; 6:19–20.) Unsa ang atong mahimo aron sa pagtagad sa atong mga lawas isip mga templo? Unsa ang mga panalangin sa pagpakalimpyo sa kadungganan?

Sugyot alang sa Panaghisgut sa Banay

Ipasabut nga si Pablo kanunay nakighinabi uban sa mga sakop sa Simbahan pinaagi sa pagpadala og mga epistola, o mga sulat. Paghisgut sa pipila ka mga pamaagi nga ang mga propeta, apostoles, ug ubang mga pangulo sa Simbahan makighinabi kanato karon. Isip usa ka banay, pagbasa og usa ka pamulong sa komperensya gikan sa Liahona o laing mantala sa Simbahan. Hisguti unsaon ninyo paggamit ang mensahe.