“Pag-andam Kamo sa Dalan sa Ginoo”

Unsa nga mensahe ang gisangyaw ni Juan aron pag-andam sa katawhan alang sa pag-anhi sa Manluluwas? (Tan-awa sa Mateo 3:1–2.) Unsa ang gipasabut sa paghinulsol? (Tan-awa sa 2 Mga Taga-Corinto 7:9–10; Lucas 19:8; Mosiah 7:33; D&P 1:31–32; 58:42–43.)
Sa pagbasa nimo mahitungod sa panagtagbo sa Manluluwas kang Satanas didto sa kamingawan, unsay imong makat-onan mahitungod sa pagsagubang sa mga tentasyon? (Tan-awa sa Mateo 4:1–11. Tan-awa usab ang Hubad ni Joseph Smith sa Mateo 4:1, 5–6, 8–9, ug 11.)
Human makadawat sa pagpamatuod nga si Jesus mao ang Mesiyas, giunsa ni Felipe pagtubag ang mga pagduda ni Natanael? (Tan-awa sa Juan 1:43–46.) Unsa ang imong mabuhat aron sa pagdapit sa uban sa “pagduol ug pagtan-aw” sa Manluluwas?

Sugyot alang sa Panaghisgut sa Banay

Pag-andam og leksyon aron sa pagtabang sa mga sakop sa banay kinsa nangandam alang sa bunyag o aron sa paghisgut og mga pamaagi aron sa pagtabang sa mga kinabig kinsa hapit na bunyagan. Hisguti ngano si Jesus nagkinahanglan og bunyag (Mateo 3:13–15; 2 Nephi 31:6–9) ug ngano nga kita nagkinahanglag bunyag (2 Nephi 31:5, 10–12; D&P 20:71–73; 49:13–14). Dapita ang mga sakop sa banay kinsa nabunyagan na sa pagsugilon kabahin kanus-a sila nabunyagan ug mopadayag sa ilang mga pagbati kabahin sa mga panalangin nga ilang nadawat tungod kay sila nabunyagan.