“Diha Kaninyo Natawo… ang Manluluwas”

Unsa ang mga kahimtang sa pagkatawo ni Jesus? (Tan-awa sa Lucas 2:7.) Sa unsa nga mga paagi nga ang mga katawhan karon modumili sa paghatag og lawak alang sa Manluluwas diha sa ilang mga kinabuhi? Unsa may imong mahimo aron sa paghatag og lawak alang kaniya diha sa imong kinabuhi?
Ngano nga si Jesus mianhi sa kalibutan? (Tan-awa sa 3 Nephi 27:13–16.)
Unsa ang gihimo sa mga “mago gikan sa sidlakan” sa diha nga ilang nakit-an ang batang Jesus? (Tan-awa sa Mateo 2:11.) Unsa nga mga gasa ang imong mahalad ngadto sa Ginoo?
Ingon nga batan-on, si Jesus “mitubo sa kaalam ug sa gidak-on, ug sa kahimuot diha sa Dios ug sa tawo” (Lucas 2:52). Sa lain nga pagkasulti, siya milambo sa pangsalabutan, sa panglawasnon, sa pagkaespirituhanon, ug sa pagkakatilingbanon. Unsa ang uban nga piho nga mga butang nga imong mahimo aron motubo sa pangsalabutan, sa panglawasnon, sa pagkaespirituhanon ug sa pagkakatilingbanon?

Sugyot alang sa Panaghisgut sa Banay

Basa og mga linya gikan sa pipila ka mga himno o mga awit sa Primarya mahitungod sa pagkatawo ni Jesus, ug dapita ang mga sakop sa banay sa pag-ila sa mga himno o mga awit. Kanta og usa sa mga himno o mga awit isip usa ka banay, ug hisguti ang kamahinungdanon sa paghinumdum sa pagkatawo ni Jesus sa tibuok tuig kaysa sulod sa panahon sa kapaskohan lamang.