Ang Wali sa Ibabaw sa Bungtod: “Usa ka Labing Maayo nga Paagi”

Sa unsa nga paagi nga ang mga Santos sa Ulahing mga Adlaw mamahimong “kahayag alang sa kalibutan”? (Mateo 5:14; tan-awa usab sa bersikulo 16).
Sa unsa nga paagi nga ang mga panudlo sa Manluluwas diha sa Mateo 5:22–24, 28, 34–37, 39–40, ug Mateo 5:44–48 mas taas nga mga balaod kaysa sa mga balaod nga gihisgutan diha sa Mateo 5:21, 27, 33, 38 ug Mateo 5:43?
Sa unsa nga paagi nga ang mga pagtulun-an diha sa Wali sa Ibabaw sa Bungtod makatabang kanato “pagduol ngadto ni Kristo, ug nga mahingpit diha kaniya”? (Moroni 10:32).

Sugyot alang sa Panaghisgut sa Banay

Sa pisara, poster board, o sa usa ka papel, isulat ang mosunod nga panultihon (o laing panultihon nga mas gamit alang sa mga sakop sa banay): Ang mga panudlo diha sa Wali sa Ibabaw sa Bungtod makatabang kanako sa tulunghaan. Hangyoa ang mga sakop sa banay sa pagbasa og pipila ka mga tudling diha sa Mateo 5 ug hisguti unsaon niana nga mga tudling may kalabutan ngadto sa panultihon nga imong gisulat.