“Alang sa Paghingpit sa mga Santos”

Mga Taga-Efeso

Unsa ang gitudlo ni Pablo diha sa Mga Taga-Efeso 2:20 ug Mga Taga-Efeso 4:11–14 mahitungod sa kaimportante sa mga apostoles ug mga propeta? Ngano nga ang buhing mga propeta ug mga apostoles mahinungdanon ngadto sa tinuod nga Simbahan? Unsa ang pipila ka mga panudlo gikan sa mga apostoles ug mga propeta sa ulahing mga adlaw nga nagtabang kanato sa pag-uswag ngadto sa kahingpitan ug panaghiusa?
Sa unsa nga paagi nga ang tambag ni Pablo diha sa Mga Taga-Efeso 6:1–4 makatabang sa paglig-on sa pakigrelasyon sa banay ug makapatunhay og panaghiusa sa panimalay? Unsa nga tambag ang nahatag sa mga apostoles ug mga propeta sa ulahing mga adlaw mahitungod sa mga banay?
Unsa ang mga lain-laing mga tipik sa unsay gitawag ni Pablo nga ang hinagiban sa Dios? Unsa ang girepresentar sa matag tipik? (Tan-awa sa Mga Taga-Efeso 6:13–18; D&P 27:15–18.) Sa unsa nga paagi ang matag tipik sa hinagiban sa Dios makapanalipud kanato batok sa impluwensya ni Satanas? Unsa man ang atong mahimo aron sa pagsul-ob niini nga hinagiban matag adlaw?

Sugyot alang sa Panaghisgut sa Banay

Hatagi ang matag sakop sa banay og usa ka piraso nga papel. Hangyoa ang matag tawo sa paggisi sa iyang piraso nga papel. Dayon hatagi ang usa ka sakop sa banay og usa ka baga nga libro ug hangyoa siya nga sulayan sa paggisi nga dungan ang tanan niini nga mga pahina. Ipasabut nga sama usab sa mga piraso sa papel nga anaa sa libro mas lig-on kon sila mag-uban, kita mas lig-on kon kita nagkahiusa sa atong mga banay ug isip usa ka Simbahan. Hisguti unsa ang inyong mahimo isip usa ka banay aron sa pagugmad og panaghiusa sa inyong panimalay ug sa inyong purok o sanga.