“Mabuhi diha sa Espiritu”

Si Pablo mitapos sa iyang pakigpulong ngadto sa mga kaigsoonan nga Taga-Efeso pinaagi sa pagpahinumdum kanila sa mga panudlo sa Ginoo nga “labi pang bulahan ang paghatag kay sa pagdawat” (Mga Buhat 20:35). Sa unsa nga paagi nga ikaw nakakita nga kini tinuod diha sa imong kinabuhi?
Si Pablo miawhag sa mga Taga-Galacia sa pagtinguha sa mga bunga, o mga sangputanan, sa pagpuyo uban sa Espiritu (Mga Taga-Galacia 5:16, 25). Unsa ang pipila niini ka mga bunga? (Tan-awa ang kadena nga kasulatan niini nga seksyon.) Sa unsa nga paagi nga kini nga mga bunga makita sa imong kinabuhi? Unsa ang atong angay nga buhaton kon kita mobati nga kini nga mga bunga wala sa atong mga kinabuhi?
Unsa ang gipasabut sa “unsay igapugas sa tawo, mao usab kana ang iyang pagaanihon”? (Tan-awa sa Mga Taga-Galacia 6:7–9.) Sa unsa nga paagi nga kini nga baruganan magamit sa atong kahanas sa pagpaminaw ug sa pagsunod sa mga pagaghat sa Espiritu Santo? Sa unsa nga paagi nga kini magamit sa atong relasyon uban sa laing mga tawo ug sa uban nga mga kahimtang sa atong mga kinabuhi?

Sugyot alang sa Panaghisgut sa Banay

Pangutan-a ang mga sakop sa banay unsaon nila pagkahibalo nga ang impluwensya sa Espiritu anaa sulod sa panimalay. Tukia ang mga butang nga inyong mahimo isip usa ka banay aron madapit ang Espiritu. Pagmugna og mga tumong isip usa ka banay aron sa pagdapit sa Espiritu nganha sa inyong panimalay sa umaabut nga semana.