“Ang Akong Kalag Nagdayeg sa Ginoo”

Unsay imong makat-onan mahitungod kang Maria gikan sa iyang mga pagpakighinabi uban kang anghel Gabriel ug kang Elisabet? (Tan-awa sa Lucas 1:26–38, 45–49, tan-awa usab sa Alma 7:10.) Unsay imong mahimo nga makasunod sa iyang ehemplo?
Sa unsa nga paagi nga ang mga panig-ingnan ni Elisabet, Zacarias, Juan Bautista, Maria, ug Jose nakatabang kanimo nga makakita sa pagkahalangdon sa Manluluwas ug makapauswag sa imong hugot nga pagtuo diha kaniya? Sa unsa nga paagi ikaw makatabang sa uban sa pag-uswag sa ilang hugot nga pagtuo diha ni Jesukristo?

Sugyot alang sa Panaghisgut sa Banay

Basaha ang Lucas 1:16, ug hisguti ang kamahinungdanon sa pagtabang sa katawhan sa pagbalik “ngadto sa Ginoo” pinaagi sa pagpakigbahin sa ebanghelyo uban kanila. Paghimo og listahan sa mga sakop sa banay o mga higala kinsa dili mga sakop sa Simbahan o kinsa mga sakop nga dili kaayo aktibo sa Simbahan. Mag-ampo isip usa ka banay alang sa giya sa paghukom kinsa ang inyong mabahinan sa ebanghelyo ug unsaon paghimo niini.