“Unsa ang Timailhan sa Imong Pag-anhi?”

Joseph Smith—Mateo (Mateo24)

Unsa ang timailhan sa Ikaduhang Pag-anhi sa Manluluwas ang gihulagway diha sa Joseph Smith— Mateo 1:22? Unsa nga ebidensya ang imong makit-an nga kini nga panagna natuman? Unsaon nato sa paglikay nga dili mailad sa mga mini nga propeta? (Tan-awa ang Mateo 7:15–20; D&P 45:57; 46:7–8.)
Ang Ginoo mitudlo nga kita “dili mabalaka” sa mga gubat ug mga huhungihong sa mga gubat. (Joseph Smith—Mateo 1:23). Sa unsa nga paagi nga kita makabaton og kalinaw sulod sa ingon kagubot nga mga panahon? (Tan-awa sa 1 Juan 4:16–18; D&P 6:34–36; 45:34–35; 59:23.)
Ang Ginoo miingon sa iyang mga sumusunod sa Jerusalem sa “pagbarug sa balaan nga dapit” (Joseph Smith—Mateo 1:12), ug siya mihatag og sama nga tambag sa atong panahon karon (D&P 87:8; 101:22). Unsa ang pipila ka balaan nga mga dapit diin kita kinahanglan nga magbarug?

Sugyot alang sa Panaghisgut sa Banay

Paghisgut sa pipila ka mga timailhan nga mag-una sa Ikaduhang Pag-anhi, ingon sa gilatid diha sa kadena nga kasulatan sa niini nga seksyon. Panghatag og bag-ong mga peryodiko ug mga magasin sa Simbahan. Pahimoa ang mga sakop sa banay sa tinagsa o sa tinagurha sa pagpangita diha sa mga peryodiko ug mga magasin alang sa mga timailhan sa Ikaduhang Pag-anhi. Samtang sila makigbahin sa unsay ilang nakit-an, paghisgut unsaon pagpangandam alang sa Ikaduhang Pag-anhi.